HDFC Bank च्या ग्राहकांसाठी महत्त्वाची बातमी आहे. बँकेने आपल्या मार्जिनल कॉस्ट ऑफ फंड्स बेस्ड लेंडिंग रेट (MCLR) मध्ये ५ ते १५ बेसिस पॉइंट्सपर्यंत वाढ केली आहे. हे नवे दर ७ नोव्हेंबरपासून लागू झालेत. या निर्णयामुळे बँकेकडून गृहकर्ज, वैयक्तिक कर्ज आणि वाहन कर्ज घेतलेल्या काही ग्राहकांवर होऊ शकतो. विशेष म्हणजे, ज्याचं कर्ज MCLR शी जोडलेलं आहे, त्यांच्या कर्जाचा व्याजदर वाढण्याची शक्यता आहे.
HDFC Bank ने आपल्या सातही कालावधींच्या MCLR दरांमध्ये वाढ केली. यामध्ये सहा महिने, एक वर्ष, दोन वर्षे आणि तीन वर्षांसाठी १५ बेसिस पॉइंट्सची वाढ केली आहे. तर इतर कालावधींच्या दरांमध्ये ५ ते १० बेसिस पॉइंट्सची वाढ झाली आहे. या बदलानंतर बँकेचा MCLR दर ७.८५ टक्क्यांपासून ८.७० टक्क्यांपर्यंत पोहोचला. याआधी हा दर ७.७५ टक्क्यांपासून ८.५५ टक्क्यांपर्यंत होता. १ बेसिस पॉइंट म्हणजे ०.०१ टक्के. त्यामुळे १५ बेसिस पॉइंट्सची वाढ म्हणजे ०.१५ टक्के.
ज्या ग्राहकांचं होम लोन, पर्सनल लोन, कार लोन किंवा इतर फ्लोटिंग रेट कर्ज MCLR शी जोडलेलं आहे, त्यांच्यावर या वाढीचा परिणाम होऊ शकतो. मात्र, प्रत्येक ग्राहकाची EMI लगेच वाढेल असं नाही. कर्जाचा व्याजदर कधी बदलणार, हे लोनच्या रीसेट तारखेवर आणि कर्जाच्या अटींवर अवलंबून असतं.
उदाहरणार्थ, एखाद्या ग्राहकाचं गृहकर्ज सहा महिन्यांच्या MCLR शी जोडलेलं असेल, तर पुढच्या रीसेट तारखेला नवीन व्याजदर लागू होऊ शकतो. त्यामुळे व्याजाच्या दरात ०.१५ टक्क्यांपर्यंत वाढ होण्याची शक्यता आहे. व्याजदर वाढल्यानंतर बँक EMI वाढवू शकते किंवा कर्ज फेडण्याची मुदत वाढवू शकते. त्यामुळे HDFC Bank च्या कर्जदारांनी आपल्या लोनच्या अटी आणि नवीन व्याजदर तपासणं महत्त्वाचं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.