High Blood Pressure: BP वाढला की लगेच औषधं घ्यायची का? डॉक्टरांनी सांगितला योग्य नियम

बदलत्या लाइफस्टाइलमुळे कमी वयातच अनेकांना गंभीर आजारांना सामोरं जावं लागतं. पण काही आजार वेळीच ओळखून त्यावर उपचार केले नाहीत तर भविष्यात मोठ्या संकटांना सामोरं जावं लागतं. त्यात सध्या तरुणांमध्येही ब्लड प्रेशरचा धोका जास्त प्रमाणात वाढल्याचं चित्र दिसत आहे.

विशेष म्हणजे, या आजाराची लक्षणं सुरुवातीलाच दिसतात. त्यामुळे अनेकांना आपल्याला बीपी आहे हेही समजत नाही. काही जण बीपीची औषधं घेणं टाळतात. पण वेळेवर उपचार न केल्याने हार्ट अटॅक, स्ट्रोक आणि किडनीचे आजार होण्याचा धोका वाढू शकतो. मग बीपीची औषधं नेकमी कधी सुरू करायची? याबद्दल महत्त्वाची माहिती जाणून घेऊया.

बीपीची औषधं सुरू करणं का महत्त्वाचं आहे?

हाय ब्लडप्रेशर रक्तवाहिन्यांवर सारखा दबाव पडतो. याचा परिणाम हृदय, मेंदू, किडनी आणि डोळ्यांवर होऊ शकतो. सुरुवातीला कोणताही त्रास जाणवत नसला तरी जास्तवेळ बीपी नियंत्रणात राहिली नाही तर गंभीर समस्या निर्माण होऊ शकतात. यामुळे पुढच्या आजारांचा धोका वाढतो.

हार्ट अटॅक

ब्रेन स्ट्रोक

हार्ट फेल्युअर

किडनीचे आजार

दृष्टीसंबंधित समस्या

पायांच्या रक्तवाहिन्यांचे आजार

जागतिक आरोग्य संघटनेच्या (WHO) माहितीनुसार, हाय ब्लड प्रेशरचा हा हृदयविकार आणि अकाली मृत्यूच्या प्रमुख कारणांपैकी एक आहे.

बीपीची औषधं नेमकी कधी सुरू करावीत?

डॉ. भाट यांच्या मते, बीपीची औषधं सुरू करण्याचा निर्णय फक्त एका रीडिंगवर घेतला जात नाही. त्यासाठी काही महत्त्वाच्या गोष्टी तपासल्या जातात.

1. बीपीची सरासरी पातळी: बऱ्याचदा तपासणी केल्यानंतरही रक्तदाब वाढलेला असल्यावर डॉक्टर औषधांचा योग्य सल्ला देतात.

2. हार्ट अटॅकचा धोका: हार्ट अटॅक किंवा स्ट्रोकचा धोका जास्त असेल तर औषधोपचार लवकर सुरू करण्याची गरज भासू शकते.

3. वय आणि आरोग्यस्थिती: व्यक्तीचे वय, इतर आजार आणि एकूण आरोग्य लक्षात घेऊन उपचार ठरवले जातात.

4. किडनी आणि हृदयावर परिणाम: उच्च रक्तदाबामुळे आधीच अवयवांवर परिणाम झाला असल्यास औषधोपचार महत्त्वाचे ठरतात.

औषधांसोबत जीवनशैलीतही करा बदल

बीपी नियंत्रणात ठेवण्यासाठी फक्त औषधांवर अवलंबून राहू नका. आहारात मीठाचं प्रमाण कमी करा, वजन नियंत्रणात ठेवा आणि नियमित व्यायाम करा. तसेच डॉक्टरांच्या सल्ल्यानुसार बीपीची नियमित तपासणी करा.

डिस्क्लेमर: ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.