GPay Pocket Money: GPayचं हटके फीचर! आता बँक अकाउंटशिवाय करा UPI पेमेंट; पॉकेट मनी आहे तरी काय?

भारतातील लाखो लोक यूपीआयचा वापर करतात. यूपीआयद्वारे पेमेंट करणे खूप कॉमन झाले आहे. गुगल पेद्वारे रोज कोट्यवधि लोक पेमेंट करतात. दरम्यान, गुगल पेमध्ये अनेक फिचर्स जोडण्यात आले आहे. यामुळे तुम्ही सहजासहजी कोणालाही पैसे पाठवू शकतात. दरम्यान, आता यामध्ये नवीन गुगल पॉकेट मनी फीचर अॅड झाले आहे. याद्वारे तुम्ही पेमेंट करु शकतात.

गूगल पे पॉकेट मनी (Google Pay Pocket Money)

गूगल पॉकेट मनी ही सुविधा त्या युजर्ससाठी बेस्ट आहे. ज्यांच्या मुलांचे किंवा आईवडिलांचे बँक खाते नाही आहे. त्यांच्यासाठी ही सुविधा बेस्ट ठरणार आहे. गूगल पे पॉकेट मनीद्वारे पैसे पाठवणारा (प्रायमरी युजर) त्यांच्या बँक खात्याचा वापर करुन दुसऱ्या व्यक्तीला पैसे पाठवण्यास मदत करते. यामध्ये पूर्ण सुरक्षा असते. यामध्ये खर्चाची मर्यादा निश्चित असते. याचसोबत पेमेंट अप्रूव करण्याचा पर्याय असतो. म्हणजेच दुसरी व्यक्ती जे पैसे पाठवणार आहे त्याला मंजुरी द्यायची की नाही हे तुमच्यावर अवलंबून असते.त्यामुळे आता ज्यांचे बँक खाते नाहीये. त्यांना ऑनलाइन पैसे ट्रान्सफर करण्यासाठी कोणतीही अडचण येणार नाही. ते खूप सहज पैसे पाठवू शकतात.

यूपीआय सर्किल (UPI Circle)

गूगल पे अॅपने काही दिवसांपूर्वी यूपीआय सर्किल फीचर सुरु केले आहे. यामध्ये यूपीआय अकाउंट होल्डर दुसऱ्या लोकांना तुमच्या अकाउंटमधून पैसे ट्रान्सफर करण्याची परवानगी देते.यामुळे तुमच्या अकाउंटमध्ये पैसे नसतील तरी तुमच्या जवळच्या व्यक्तीच्या अकाउंटमधून पैसे ट्रान्सफर करु शकतात. यामुळे तुम्हाला कोणतीही अडचण येणार नाही. यामध्ये सुरक्षेचीही काळजी घेतली जाते.