EPFO 3.0: पीएफ विड्रॉल, UPI ते पेन्शन...; EPFO 3.0 मध्ये 'हे 'महत्त्वाचे बदल होणार

ईपीएफओ कर्मचाऱ्यांसाठी आनंदाची बातमी आहे. ईपीएफओ लवकरच EPFO 3.0 सर्व्हिस सुरु करणार आहे. EPFO 3.0 मध्ये सर्वकाही डिजिटल होणार आहे. तुम्हाला पीएफ काढण्यासाठी किंवा इतर कामे करण्यासाठी कोणत्याही कागदपत्रांची गरज नाही. तुम्ही ऑनलाइन पद्धतीने अवघ्या काही मिनिटात हे काम करु शकतात. पीएफ काढण्याची प्रोसेस खूप सोपी होणार आहे.

EPFO 3.0 अंतर्गत आता तुमच्या क्लेमची प्रोसेस लवकरच होणार आहे. आता तुम्ही एटीएम किंवा यूपीआयद्वारे पीएफचे पैसे काढू शकतात. कर्मचारी भविष्य निर्वाह निधी संघटना सर्वकाही डिजिटल करणार आहे. यामुळे कर्मचाऱ्यांना ईपीएफओची सर्व कामे ऑनलाइन पद्धतीने करता येणार आहे.

काही दिवसात होणार पीएफ सेटलमेंट

या नवीन अपडेटमुळे सेटलमेंट खूप लवकरच होणार आहे. ईपीएफओच्या म्हणण्यांनुसार, ऑटो सेटलमेंटचा विस्तार करण्यात आला आहे. याची मर्यादा ५ लाख रुपये केली आहे. आता तुमची विड्रॉलची रिक्वेस्ट ऑटोमॅटिक पद्धतीने मान्यत केली जाणार आहे. यामुळे नियोक्त्यावर अवलंबून राहावे लागणार नाही.

UPI द्वारे पैसे काढता येणार (PF Withdrawal Through UPI)

नवीन सुविधेअंतर्गत आता तुम्ही यूपीआयद्वारे पीएफचे पैसे काढू शकतात. तुमच्या थेट बँक खात्यात पीएफचे पैसे जमा होतील. त्यानंतर तुम्ही ते यूपीआय किंवा एटीएमद्वारे काढू शकतात.तुम्ही क्लेम फाइल करणे, ट्रॅक करणे किंवा पैसे काढणे या सर्व गोष्टी मोबाईल अॅपद्वारे ट्रॅक करु शकतात.

युनिफाइड पेन्शन स्कीम (Unified Pension Scheme)

EPFO 3.0 अतंर्गत पेन्शन सिस्टीमला युनिफाइड केले जात आहे. आता सर्व कर्मचाऱ्यांना पेन्शन आणि इतर सुविधांचा लाभ मिळावा, यासाठी युनिफाइड पेन्शन सिस्टीम सर्व कार्यालयात लागू केली आहे. यामध्ये अनेक अडचणींचा सामना करावा लागत आहे. दरम्यान, ऑटोमेटिक आणि डिजिटल व्हेरिफिकेशनमुळे ही नवीन सुविधा बँकिंग प्लॅटफॉर्मप्रमाणे काम करेल. यामुळे कर्मचाऱ्यांना कोणतीही अडचण येणार नाही.