Ladki Bahin Yojana: लाडक्या बहिणींसाठी आनंदाची बातमी, एप्रिल अखेरीस २ महिन्याचे ₹३००० मिळणार?

Summary -

• लाडकी बहीण योजनेचे पैसे लवकरच मिळण्याची शक्यता

• दोन महिन्यांचे ३००० रुपये एकत्र मिळू शकतात

• केवायसी पूर्ण करणे आवश्यक

• एप्रिल अखेरीस पैसे जमा होण्याची शक्यता

महाराष्ट्र सरकारच्या महत्वाकांक्षी ठरलेल्या लाडकी बहीण योजनेबाबत महत्वाची अपडेट समोर आली आहे. लाडकी बहिण योजनेच्या लाखो लाभार्थी महिला मार्च महिन्याच्या हप्ताचे पैसे कधी मिळणार याची वाट पाहत आहेत. एप्रिल महिन्याचा दुसरा आठवडा संपत आला तरी देखील पैसे अद्याप आले नाहीत त्यामुळे लाडक्या बहिणी चिंतेत आहेत. पण लाडक्या बहिणींना चिंता करण्याचे कारण नाही. कारण लाडकींच्या खात्यात लवकरच ३००० रुपये जमा होण्याची शक्यता आहे.

लाडकी बहीण योजनेचा मार्च आणि एप्रिल महिन्याच्या हफ्त्याचे ३००० रुपये एकत्रित येणार असल्याची चर्चा सुरू आहे. एप्रिल महिन्याच्या शेवटच्या आठवड्यात दोन्ही महिन्यांचे पैसे लाडकींच्या खात्यात जमा होण्याची शक्यता आहे. पण याबाबत अद्याप अधिकृत माहिती समोर आली नाही. पण लकवरच सरकारकडून घोषणा केली जाण्याची शक्यता आहे. राजकीय आणि प्रशासकीय पातळीवर हालचाली सुरू असल्याचे सांगितले जात आहे.

लाडकी बहीण योजनेत ज्या लाभार्थी महिला निकषात बसतात त्यांनाच योजनेचा लाभ मिळणार आहे. ज्या महिला निकषात बसत नाही, ज्यांनी अद्याप केवायसी केली नाही त्यांनाही योजनेचा लाभ मिळणार नाही. ज्या लाभार्थी महिलांनी ईकेवायसीची प्रक्रिया पूर्ण केली नाही त्यांना सरकारने दिलासा दिला आहे. ईकेवायसीसाठी सरकारने ३० एप्रिलपर्यंत मुदवाढ दिली आहे. केवायसीमध्ये ज्या महिलांकडून चुका झाल्या आहेत त्यांना सरकारने एक संधी दिली आहे. त्यांनी ३१ एप्रिलच्या आत केवायसी करायची आहे. त्यानंतरच त्यांच्या खात्यात योजनेचे पैसे जमा केली जातील.

ईकेवायसी करताना लाडकी बहीण योजनेच्या लाभार्थी महिलांनी चुकीचा पर्याय निवडला. 'माझ्या कुटुंबात कोणी सरकारी नोकरीत आहे का?' या प्रश्नाचे उत्तर अनेक महिलांनी चुकीचे सबमिट केले. त्यामुळे त्यांचा मासिक हप्ता आपोआप बंद झाला. या सर्व महिलांच्या तक्रारी आल्यानंतर सरकारने त्यांना दुरुस्ती करण्याची संधी दिली आहे. या योजनेच्या लाभार्थी महिलांनी अधिकृत संकेतस्थळ ladkibahin.maharashtra.gov.in वर जाऊन ईकेवायसी प्रक्रिया पूर्ण करायची आहे. ईकेवायसीमध्ये दुरुस्ती करण्याची हीच शेवटची संधी असल्याचे मंत्री अदिती तटकरे यांनी सांगितले. ज्या महिला पात्र नाहीत त्यांचा लाभ कायमस्वरूपी बंद होणार असल्याचेही त्यांनी स्पष्ट केले.