Gold Rate Today: सोनं ₹१५०० तर चांदी १० हजारांनी महागली; सुवर्णनगरीतील १ तोळ्याचे दर किती? वाचा सविस्तर

रोज सोने चांदीचे नवे दर अपडेट होत असतात. आज सोने-चांदीच्या दरात चांगलीच वाढ झाली आहे.पीएम मोदींना सोने खरेदी करु नका, असं आवाहन केले होते. त्यानंतर काल सोन्याचे दर घसरले होते. आज जळगावातील सराफा बाजारातदेखील सोन्याचे दर वाढले आहेत. त्यामुळे सर्वसामान्यांच्या खिशाला फटका बसत आहे.

सोनं-चांदीच्या दरात विक्रमी वाढ (Gold Silver Rate Hike)

जळगावच्या सराफा बाजारपेठेत आज सोन्याचे दर १५०० ने तर चांदीची १० हजार रुपयांनी वाढले आहेत. सोने १,५६ लाख रुपये चांदी २,७९ लाख रुपये प्रति किलोवर पोहोचली आहे. अमेरिकेचे राष्ट्राध्यक्ष डोनाल्ड ट्रम्प यांनी इराणचा नवीन शांतता प्रस्ताव फेटाळून लावल्याने सोने-चांदीच्या दराने उसळी घेतली. जळगावच्या सराफा बाजारात १,५५, २२१ रुपये तोळा असलेले सोने १५०० रुपयांनी वाढून १,५६ वर पोहोचले तर चांदी १० हजारांनी ने वाढून २,७९, वर पोहोचली.

सोनं १ लाख ५१ हजार ५०० रुपये आहे. जीएसटीसह हे दर १ लाख ५६ हजारांवर गेले आहेत. चांदी जीएसटीसह २ लाख ७९ हजारांवर पोहचली आहे. सोन्याच्या दरात 1500 रुपयांनी वाढ झाली तर चांदीच्या दरात किलोमागे 10 हजार रुपयांनी वाढ झाली आहे.

व्यावसायिकांचे टेन्शन वाढलं

एकीकडे सोन्याच्या वाढत्या दरामुळे सर्वसामान्यांच्या खिशाला फटका बसत आहे तर दुसरीकडे पीएम मोदींनी केलेल्या आवाहनानंतर सोन्याच्या व्यापारांचेदेखील टेन्शन वाढले आहे. सध्या ऐन लग्नसराईत सोनं खरेदी करण्याकडे नागरिकांनी पाठ फिरवली आहे. दागिन्यांच्या दुकानांमध्ये गर्दी नाहीये. त्यामुळे सराफ व्यावसायिकांना फटका बसला आहे. दरम्यान, जर सोने खरेदी केले नाही तर कामगारांचे पैसे कसे देणार, असाही प्रश्न व्यापाऱ्यांना पडला आहे.