Gold Rate: सणासुदीत सोनं १ तोळ्यामागे २० हजारांनी वाढणार, वाचा तज्ज्ञांनी का वर्तवला अंदाज

प्रत्येक स्त्रीसाठी सोनं हा फक्त दागिना नसून एक मौल्यवान ठेवा असतो, असं म्हणतात. त्यामुळे फार पूर्वीपासून कोणत्याही मंगलकार्यात सोने खरेदी केली जाते. लग्नसमारंभात सोन्याचे दागिने जास्त प्रमाणात खरेदी केले जातात. याचसोबत सणासुदीच्या दिवसात सोने खरेदी केल्याने भरभराट होते असं म्हणतात. त्यामुळे सोने खरेदी करण्यासाठी अनेकजण सणांचा मूहूर्त शोधत असतात. मात्र, पूर्वी सोन्याचे भाव फार कमी होते. मात्र, त्याकाळातदेखील अनेकांना सोने खरेदी करणे परवडत नव्हते. मात्र, सध्या बदलत्या काळानुसार, महागाई वाढत आहे. परिणामी सोन्याचे भावदेखील वाढत आहेत.

सध्या सोन्याचे भाव गगनाला भिडले आहेत. सोन्याचे दर १ लाखांपेक्षा जास्त आहे. मागील अनेक महिन्यांपासून सोन्याचे दर वाढतच आहेत. त्यामुळे सोन्यासाठी १ लाख रुपये मोजणे हे सर्वसामान्यांच्या खिशाला परवडणारे नाही. दरम्यान, आता सोन्याचे भाव आणखी वाढणार असल्याचे सांगितले जात आहे.

सोन्याचे दर भविष्यात वाढणार

पु.ना. गाडगीळचे मालक सौरभ गाडगीळ यांनी याबाबत माहिती दिली आहे. त्यांनी सोन्याचे भाव असेच वाढत राहणार असल्याचे सांगितले आहे. त्यांनी म्हटलंय की, सध्या सोन्याचे दर प्रति तोळा १ लाखांच्या आसपास आहे. जगात कुठेही युद्धासारखी परिस्थिती निर्माण झाल्यास सोन्याचे दर वाढू शकतात. बऱ्याच बँकांनी सोन्याचा दर ४०,००० डॉलरच्या वर जाईल, असा अंदाज वर्तवला आहे.

सोनं सव्वा लाखांच्या पार जाणार

जर खरंच सोन्याच्या भाव ४०,००० डॉलरच्या वर गेला तर भारतातदेखील सोन्याचे दर १.१५ लाख रुपयांपर्यंत जाऊ शकतात. मात्र, सोन्याचे भाव वाढत असताना एक पातळी निश्चित करत असल्याचे गेल्या अनेक वर्षात दिसत आहे. दरम्यान, सध्याही सोन्याचे भाव ९५००० रुपयांपेक्षा कमी होणार नाहीत. सोन्याचे दर नवीन पातळी निश्चित करतील. यामुळे सोन्याचे दर १.१० लाख होतात की १.१५ लाख रुपये हे पाहणे गरजेचे आहेत.