EPFO Rule: मोठी बातमी! पैसे काढण्याच्या नियमात होणार बदल; सरकारच्या नव्या नियमामुळे ७ कोटी पीएफधारकांना होणार फायदा

सरकार कर्मचारी भविष्य निर्वाह निधी (EPFO) च्या नियमात बदल करण्याच्या विचारात आहे. आता पीएफ खातेधारक आता खात्यातून संपूर्ण पैसे काढू शकतील. हो, तुम्ही जे वाचलं ते अगदी बरोबर वाचलंय. सरकार पैसे काढण्याच्या नियमात मोठी सूट देण्याच्या तयारीत आहे. पीएफ खातेधारक आधी आपल्या खात्यातून काही प्रमाणात पासे काढू शकत होते.

पीएफ खातेधारक सदस्य लग्नसमारंभ, शिक्षण,घर बांधकामासाठी काही प्रमाणात पैसे काढू शकत होते. परंतु आता सदस्य पूर्ण पैसा काढू शकतील. सरकार त्याबाबत निर्णय घेण्याच्या विचारात आहे. याबाबतचे वृत्त मनी कंट्रोल या वृत्तसंस्थेनं दिलंय. या वृत्तानुसार,पीएफ खात्यातील पैसा हा कर्मचाऱ्यांचा असतो, त्यामुळे ते त्यांचा पैसा हवा तेव्हा काढू शकतील, किंवा त्यांना काढता आला पाहिजे.

दरम्यान सन २०२३-२४ या वर्षाच्या भारतात ईपीएफओमध्ये नोंदणी केलेल्या एकूण सदस्यांची संख्या ७३.७ मिलियन झाली होती. आता जुलै २०२५ मध्ये ही संख्या २१ लाख झालीय. सध्या ईपीएफओ सदस्य सेवानिवृत्त झाल्यानंतर किंवा दोन महिन्यापेक्षा अधिक बरोजगार राहिल्यास ते आंशिक रक्कम आपल्या खात्यातून काढू शकतात.

लग्नासाठी - कमीत कमी सात वर्ष नोकरीत असल्यानंतर सदस्य आपल्या खात्यातून व्याजासह काही अंशी रक्कम काढू शकतात. हे पैसे फक्त त्यांच्या लग्नसाठी नाही तर भाऊ-बहिणीच्या लग्नासाठीही वापरता येतात.

घरासाठी- ईपीएफओ सदस्य घर बांधकामासाठीही रक्कम काढू शकतात. यासाठी सदस्य ९० टक्के रक्कम आपल्या खात्यातून काढू शकतात. परंतु हे खाते संयुक्त असले पाहिजे. तर सदस्याने कमीत- कमी ३वर्ष नोकरी केली पाहिजे.

शिक्षण - सदस्य आपल्या खात्यातून ५० टक्के रक्कम काढू शकतो. परंतु यासाठी सदस्याने कमीत कमी सात वर्ष नोकरी पूर्ण केली पाहिजे.

काय आहे प्रस्तावित बदल

मनीकंट्रोलने जुलैमध्ये वृत्त दिलं होतं की, सरकार एका नवीन चौकटीवर विचार करत आहे. ज्या अंतर्गत ईपीएफओ सदस्यांना दर १० वर्षांनी एकदा त्यांच्या निधीमधील काही अंशी रक्कम काढण्याची परवानगी दिली जाऊ शकते. एका अधिकाऱ्याने सांगितलं की, प्रत्येक वर्षानंतर प्रत्येक ईपीएफओ सदस्याच्या खात्यातील निधीत वाढ होईल. त्यानंतर त्यांना ठरवावे लागेल की त्यांना त्याच्या निधीचं काय करायचं आहे .