EPFO खातेधारकांना झटका! PFवरील व्याजदर कमी करण्याची शक्यता; पुढच्या महिन्यात होणार निर्णय

ईपीएफओ कर्मचाऱ्यांसाठी अत्यंत महत्त्वाची बातमी आहे. ईपीएफओ कर्मचाऱ्यांच्या पगारातील ठरावीक रक्कम दर महिन्याला पीएफ खात्यात जमा केली जाते. दरम्यान, पीएफ खात्यातील रक्कम ही गुंतवणूक असते. यावर तुम्हाला व्याजदर मिळते. पीएफ अकाउंटमधील पैसे ही सेवानिवृत्तीच्या किंवा अडचणीच्या काळात हे पैसे काढता येतात. दरम्यान, आता पीएफ कर्मचाऱ्यांचे टेन्शन वाढवणारी बातमी समोर येत आहे. आता पीएफवर मिळणारे व्याजदर कमी होऊ शकते.

पुढच्या महिन्यात निर्णय होणार

मार्च महिन्याच्या पहिल्या आठवड्यात सेंट्रल बोर्ड ऑफ ट्रस्टीजची २३९वी बैठक आहे. दरम्यान २०२५-२६ साठी पीएफ डिपॉझिटसाठी व्याजदर ८ ते ८.२० टक्के होऊ शकते. सध्या पीएफ खात्यावरील व्याजदर ८.२५ टक्के आहे. हे व्याजदर कमी होण्याची शक्यता आहे. ईपीएफओने मागच्या तीन वर्षात व्याजदरात कोणताही बदल केलेला नाही.मात्र, यावेळी व्याजदर कमी होण्याची शक्यता वर्तवली जात आहे.पुढच्या महिन्यात याबाबत निर्णय घेतला जाणार आहे.

मिडिया रिपोर्टनुसार, ईपीएफओमध्ये अनेक सदस्य जोडले जात आहेत. दरम्यान, जास्त लोकांचे पेमेंट करण्यासाठी व्याजदर कमी होऊ शकतो. जेणेकरुन ईपीएफओला कोणतीही आर्थिक अडचण येणार नाही. दरम्यान, आता या व्याजदरासाठी अर्थ मंत्रालयाकडून मंजुरी मिळाल्यानंतरच निर्णय घेतला जाणार आहे.

वेतन मर्यादेवरही निर्णय होण्याची शक्यता

ईपीएफओची पुढच्या महिन्यात बैठक आहे. यामध्ये नवीन व्याजदर लागू केले जाऊ शकतात. याचसोबत ईपीएफओअंतर्गत सिक्युरिटी कव्हरेज वाढवण्याचीही शक्यता वर्तवली जात आहे. सध्याची वेतन मर्यादा १५,००० रुपयांवरुन २५,००० करण्याबाबतही विचार होऊ शकतो, असं सांगितलं जात आहे.