EPFO: कामाची बातमी! आता EPFOची सर्व माहिती मिळणार डिजीलॉकरवर, कसं? वाचा सविस्तर

कर्मचारी भविष्य निर्वाह निधी म्हणजे EPFOच्या कर्मचाऱ्यांसाठी महत्त्वाची बातमी आहे. आता ईपीएफओ कर्मचाऱ्यांना सर्व माहिती एकाच अॅपवर उपलब्ध होणार आहे. तुम्हाला डिजीलॉकरवर सर्व माहिती मिळणार आहे. त्यामुळे आता कर्मचारी त्यांचा पीएफ बॅलेन्स, व्याज आणि पासबुक सर्वकाही एकाच क्लिकवर पाहू शकणार आहेत. त्यामुळे कोट्यवधि कर्मचाऱ्यांना फायदा होणार आहे.

ईपीओफओ कर्मचाऱ्यांना UAN नंबर, पेन्शन आणि स्कीम सर्टिफिकेट याबाबत सर्व माहिती मिळणार आहे. हे सर्व कागदपत्रे डिजिटल स्वरुपात असणार आहेत.

UMANG अॅपवर मिळते सेवा

पीएफबाबत सर्व माहिती सध्या फक्त

UMANG अॅपवर मिळणार आहे. त्यानंतर आता ही सुविधा तुम्हाला DigiLocker अॅपवरदेखील मिळणार आहे.

UAN अॅक्टिव्हेशनसाठी नवीन सुविधा

ईपीएफओने १८ जुलैपासून नवीन अपडेट केले आहे. आता तुम्ही उमंग अॅपद्वारे UAN (Universal Account Number) चे व्हेरिफिकेशन करु शकणार आहेत. ही प्रोसेस खूप सोपी आणि सुरक्षित असणार आहे.

ELI साठी UAN नंबर गरजेचे

UAN नंबर हा फक्त ईपीएफओ नाही तर Employment Linked Incentive (ELI) या योजनांचा लाभ घेण्यासाठीही अनिवार्य आहे. त्यामुळे तुम्हाला ईपीएफओच्या सर्व गोष्टींसाठी यूएएन नंबरची आवश्यकता असते.हा नंबर तुम्हाला उमंग अॅपवरदेखील मिळणार आहे.

डिजिलॉकरवर EPFO ची माहिती कशी मिळणार?

डिजिलॉकवर तुम्हाला तुमची सर्व कागदपत्रे मिळतात. दहावीच्या मार्कशीटपासून ते आधार कार्डपर्यंत सर्व माहिती तुम्हाला मिळणार आहे. यानंतर आता डिजिलॉकवर तु्म्हाला EPFO ची सर्व माहिती मिळणार आहे. फक्त तुम्हाला कदाचित तुमचा UAN नंबर टाकायचा असेल. त्यानंतर सर्व माहिती उपलब्ध होईल. मात्र, अद्याप याबाबत अधिकृत माहिती समोर आलेली नाही. लवकरच याबाबत माहिती समोर येईल.