भारतासाठी गुड न्यूज आहे. संघटित क्षेत्रातील कर्मचाऱ्यांच्या रिटायरमेंट फंडचे व्यवस्थापन करणाऱ्या कर्मचारी भविष्य निर्वाह निधी अर्थात ईपीएफओने (EPFO) जानेवारी २०२४ मध्ये तब्बल १६.०२ लाख सदस्य (Members/Subscribers) जोडले आहेत. रविवारी जाहीर केलेल्या पेरोलच्या आकडेवारीवरून ही माहिती समोर आली आहे.
कामगार आणि रोजगार मंत्रालयाच्या निवेदनानुसार, जानेवारी २०२४ मध्ये जवळपास ८.०८ लाख सदस्य नव्याने जोडले गेले. ईपीएफओने (EPFO) जानेवारी २०२४ मध्ये निव्वळ १६.०२ लाख सदस्य जोडले आहेत. आकडेवारीनुसार, यात बहुतांश सदस्य हे १८ ते २५ वयोगटातील आहेत. ही संख्या जानेवारी २०२४ मध्ये जोडल्या गेलेल्या नवीन सदस्यांच्या ५६.४१ टक्के इतकी आहे. संघटित कामगार क्षेत्रात नव्याने सहभागी होणाऱ्या सदस्यांमध्ये सर्वात जास्त संख्या तरुणांची असल्याचे यावरून स्पष्ट होते.
१२. १७ लाख सदस्य पुन्हा EPFO चे सदस्य झाले असल्याचे पेरोलच्या आकडेवारीवरून दिसून येते. या सदस्यांनी आपली आधीची नोकरी बदलली आणि त्यानंतर पुन्हा ते EPFO चे सदस्य झाले. या कर्मचाऱ्यांनी आपला भविष्यनिर्वाह निधी ट्रान्सफर (Transfer) करण्याचा पर्याय निवडला.
आकडेवारीनुसार, जानेवारीत नव्याने जोडलेल्या ८.०८ लाख सदस्यांपैकी जवळपास दोन लाखांहून अधिक महिला आहेत. तर महिलांची एकूण संख्या साधारण ३.०३ लाख इतकी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.