PAN Card : सरकारचा मोठा निर्णय! पॅन कार्डमध्ये होणार बदल; आता QR कोडवर मिळणार सर्व माहिती

सर्वसामान्य नागरिकांसाठी महत्त्वाची बातमी आहे. केंद्र सरकारने पॅन कार्डबाबत नवीन निर्णय घेतला आहे. केंद्र सरकारने सोमवारी PAN 2.O प्रोजेक्टसाठी मंजुरी दिली आहे. या प्रोजेक्टसाठी केंद्र सरकारने १४३५ रुपयांची गुंतवणूक केली आहे. यामुळे आता सर्व नागरिकांना अपडेटेड पॅन कार्ड मिळणार आहे. (Pan Card 2.0)

या नवीन पॅन कार्डमध्ये क्यूआर कोड देण्यात येणार आहे.यासाठी तुम्हाला कोणतेही पैसे द्यावे लागणार आहे. या नवीन प्रोजेक्टद्वारे पॅन कार्डमध्ये परिवर्तन मिळणार आहे. यामुळे करदात्यांना अनेक सेवा सोप्या पद्धतीने मिळणार आहे. यामुळे त्वरित डिलिव्हरी, गुणवत्तेत सुधारणा, डेटामध्ये नियंत्रण, पर्यावरणसाठी अनुकूल आणि उत्तम इन्फ्रास्टक्चर मिळणार आहे.

प्रधानमंत्री नरेंद्र मोदी यांच्या अध्यक्षतेखाली CCEA आयकर विभागाअंतर्गत या प्रकल्पाला मंजुरी दिली आहे. या प्रकल्पाविषयी स्पष्टीकरण देताना अश्विनी वैष्णव यांनी सांगितले की, तंत्रज्ञानावर आधारित करदात्यांची नोंदणी सेवा, सुलभता किंवा जलद सेवा वितरण या गोष्टींवर लक्ष केंद्रित केले आहे. सध्या ७८ कोटी पॅन कार्ड जारी करण्यात आसे आहेत. त्यापैकी ९८ टक्के पॅन कार्ड हे वैयक्तिक स्तरावर जारी करण्यात आले आहे. (Pan Card News)

जुन्या पॅन कार्डचं काय?

आता नवीन पॅन कार्डसाठी अर्ज करण्याची गरज आहे का? किंवा सध्याच्या पॅन कार्डचं काय होणार, असे अनेक प्रश्न अनेकांना पडले असतील. तर तुमचा सध्याचा पॅन नंबर बदलण्याची गरज नाही, असं अश्विनी वैष्णव यांनी सांगितले. तसेच तुम्हाला अपग्रेडेड प्रक्रियेतून जावे लागेल. त्यानंतर तुम्हाला नवीन पॅन कार्ड मिळू शकेल.

अपडेटेड पॅन कार्ड नवीन वैशिष्ट्यांसह येणार आहे. यामध्ये QR कोड समाविष्ट आहे. अपग्रेडेट पॅन कार्ड विनामूल्य असणार आहे. ते नवीन कार्ड तुम्हाला थेट देण्यात येणार आहे. सध्याच्या डिजिटल पद्धतीने पॅन कार्ड अपग्रेड करणे खूप सोपे होणार आहे. अपडेटची प्रक्रिया पेपरलेस आणि ऑनलाइन असेल.