DA Hike : सरकारी कर्मचाऱ्यांसाठी सर्वात मोठी खूशखबर! मोदी मंत्रिमंडळाचा मोठा निर्णय; महागाई भत्ता किती टक्क्यांनी वाढला?

सरकारी कर्मचाऱ्यांसाठी मोदी सरकारच्या मंत्रिमंडळाने मोठी घोषणा केलेली आहे. केंद्र सरकारच्या मंत्रिमंडळाने महागाई भत्ता (DA) आणि महागाई सवलतीत (DR) ३ टक्के वाढ मंजूर केली आहे. हा वाढीव भत्ता १ जुलै २०२६ पासून लागू होणार आहे. या निर्णयाचा देशातल्या १.१६ कोटींहून जास्त केंद्रीय कर्मचारी आणि पेन्शनधारकांना फायदा होणार आहे. दिवाळीमध्ये सरकारी कर्मचाऱ्यांना हे गिफ्ट देण्यात आलं आहे.

DA आणि DR मध्ये ३ टक्के वाढ करण्यात आली असून, हा वाढीव दर १ जुलै २०२६ पासून लागू होणार आहे. त्यामुळे पात्र कर्मचाऱ्यांच्या मासिक पगारात, तर पेन्शनधारकांच्या मासिक पेन्शनमध्ये वाढ होऊ शकते.

पगार आणि पेन्शनमध्ये किती वाढ होणार?

DA आणि DR वाढल्यावर नेमका किती आर्थिक फायदा होणार, हे संबंधित कर्मचाऱ्याच्या बेसिक सॅलरीवर किंवा लागू पेन्शनवर अवलंबून असतं. त्यामुळे सर्व कर्मचाऱ्यांना किंवा पेन्शनधारकांना समान रक्कम मिळणार नाही.

जुलैपासूनची थकबाकी मिळणार का?

DA ची ही वाढ १ जुलै २०२६ पासून लागू झाल्यावर पात्र कर्मचाऱ्यांना आणि पेन्शनधारकांना जुलैपासूनच्या कालावधीची थकबाकी मिळू शकते. मात्र, थकबाकीची नेमकी रक्कम, वितरणाची तारीख आणि सुधारित दर याबाबत तपशील अधिकृत आदेशानंतरच स्पष्ट होतील.