५० हजार पगारात गाडी घेण्यासाठी २०-०४-१० फॉर्म्युला उपयोगी.
डाऊन पेमेंट किमान २०% असणे गरजेचे.
EMI पगाराच्या १०% पेक्षा जास्त नसावा.
७ ते ८ लाखांच्या गाड्या बजेटसाठी योग्य, १० लाखांच्या गाड्या टाळाव्यात.
महागड्या गाड्या घेण्याचं स्वप्न प्रत्येकाचं असतं. पैशांअभावी काहींचं स्वप्न अधुरं राहतं. तसेच गाडी कशी घ्यायची, पैशाचं बजेट कसं तोलायचं याबाबत प्रत्येक जण संभ्रमात असतात. पण आता तुमची चिंता दूर करणारा एक फॉर्म्युला तुमचं स्वप्न सत्यात उतरवणार आहे. काय आहे हा फॉर्म्युला? सविस्तर जाणून घ्या.
सर्वात महत्त्वाचं म्हणजे तुमचं महिन्याचं उत्त्पन्न ५० हजार असेल तर तुमच्या पगारात महागडी गाडी घेण्यासाठी सोपा फॉर्म्युला म्हणजे २०-०४-१० . एखादी महागडी गाडी घेण्यासाठी हा फॉर्म्युला फायदेशीर ठरू शकतो. कार खरेदी करण्यासाठी कारच्या ऑन रोड किंमतीपेक्षा किमान २० टक्के रक्कम तुमच्याकडे असायला हवी. तसेच कर्जाचा कालावधी ४ वर्षांपेक्षा कमी असावा. म्हणजेच व्याजाचा बोजा कमी होईल. आणि ईएमआय तुमच्या पगाराच्या १० टक्के असावा म्हणजेच ५ हजाराच्या आत असावा.
बाकी रक्कम तुमच्या कर्जासाठी राहणे गरजेचे आहे. तुमचा जो पगार आहे त्यात ७ ते ८ लाखाच्या गाड्या बेस्ट ठरतील. त्यामुळे EMI तर कमी येईलच शिवाय डाऊन पेमेंट सुद्धा जास्त द्यावा लागणार नाही. सर्वात महत्त्वाचं म्हणजे तुमचा पगार ५० हजार असेल तर १० लाख रकमेच्या कार घेणं टाळा. कारण त्याचा EMI १५ हजारांपर्यंत जाईल, आणि तुमचं बजेट कोलमडेल.
कोणतीही गाडी घेण्यापूर्वी सर्वात प्रथम तुमचं मासिक उत्पन्न किती आहे हे तपासून घ्या. त्यानंतर महिन्यात तुमचा इतर खर्च किती असतो तो बजेट काढा त्यानंतर वाहन खरेदी करण्याचा विचार करा. सणासुदीच्या काळात शुभमुहूर्तावर तुम्हीसुद्धा गाडी घेण्याचा विचार करत असाल तर वरील फॉर्म्युला वापरून पाहा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.