Success Story: ब्युटी विथ ब्रेन! दोनवेळा UPSC मध्ये अपयश, १०० वेळा रिव्हीजन; तिसऱ्या प्रयत्नात IAS होणाऱ्या मीनल करनवाल आहेत तरी कोण?

अपयश ही यशाची पहिली पायरी असते असं म्हणतात. कितीही अपयश आले तरीही सतत प्रयत्न करायचे असतात. अपयश काय असतं हे यूपीएससी परीक्षेची तयारी करणाऱ्या विद्यार्थ्यांना विचारावं. अनेकदा १, २ गुणांमुळे आपल्याला परीक्षा पास करता येत नाही. तेव्हा विद्यार्थी खूप खचून जातात. परंतु केलेल्या चुकांमधून सुधारणा करुन जो व्यक्ती प्रयत्न करतो त्याला यश मिळतेच. असंच यश आयएएस मीनल करनवाल यांना मिळालं. (IAS Minal Karanwal Success Story)

मीनल करनवाल या उत्तराखंडच्या देहारादूनच्या रहिवासी आहेत. त्या २०१९ च्या महाराष्ट्र कॅडरच्या ऑफिसर आहेत.

मीनल यांनी सेंट जोसेफ कॉलेजमधून शिक्षण घेतले. त्यानंतर ग्रॅज्युएशनपर्यंतचे शिक्षण दिल्ली युनिव्हर्सिटीच्या सेंट स्टीफेंस कॉलेजमधून घेतले. त्यांना लहानपणापासूनच आयएएस अधिकारी व्हायचे होते. त्यांनी ग्रॅज्युएशननंतर यूपीएससी (UPSC) परीक्षेची तयारी केली.

मीनल करनवाल यांना दोन अटेंप्टमध्ये अपयश आले. त्यांनी तिसऱ्या प्रयत्नात एनसीईआरटीच्या पुस्तकांवर लक्ष दिले. त्यातून अभ्यास केला. त्यानंतर त्यांना २०१८ मध्ये ३५ रँक मिळाली. त्यांच्या मेहनतीचं फळ त्यांना मिळालं.

मीनल यांनी एका मुलाखतीत सांगितले होते की, त्यांनी शॉर्ट नोट्सचे जवळपास १०० वेळा रिवीजन केले होते. त्यांनी वारंवार पुस्तके वाचली. त्यांनी आपल्या अभ्यासासाठी वेगळी स्ट्रॅटेजी बनवली होती.याचा त्यांना खूप फायदा झाला. त्या महाराष्ट्रात आयएएस (IAS)म्हणून कार्यरत आहेत.