Baal Aadhaar Card: नवजात बालकांचं आधार कार्ड कसं काढायचं? ऑनलाइन आणि ऑफलाइन प्रोसेस वाचा

आधार कार्ड हे प्रत्येकासाठी खूप महत्त्वाचे कागदपत्र आहे. बँक खाते उघडण्यापासून ते सरकारी कामांसाठी आधार कार्ड गरजेचे आहे. प्रत्येकाच्या आधार कार्डवर एक १२ अंकी युनिक नंबर असतो. हा नंबर UIDAI म्हणजेच युनिका आयडेंटिफिकेशन ऑथोरिटी ऑफ इंडिया जारी करते. दरम्यान, नवजात बाळांचे आधार कार्ड कसं काढायचं हे तुम्हाला माहितीये का?

बाळ जन्माला आल्यानंतर त्याच्या जन्माचा दाखला, आधार कार्ड या सर्व गोष्टी काढणे गरजेचे असते. तुम्हाला जर बाळाला घेऊन फिरायला जायचे असेल तर पासपोर्ट काढावा लागतो, यासाठीही आधार कार्ड गरजेचे आहे. त्यामुळे नवजात बालकांचे बाल आधार कार्ड काढले जाते.

पाच वर्षांपेक्षा लहान मुलांचे बाल आधार कार्ड तयार केले जाते. यामध्ये बाळाचे नाव, फोटो, जन्मतारीख, लिंग याबाबत माहिती असते. या आधार कार्डशी आई वडिलांचे आधार नंबर लिंक असतात. हे आधार कार्ड काढण्यासाठी फिंगरप्रिंट बायोमेट्रिक किंवा आइरिस स्कॅनची गरज नाही.

बाल आधार कार्ड आहे तरी काय? (What is Baal Aadhaar Card)

५ वर्षांखालील मुलांचे जे आधार कार्ड काढले जाते त्याला बाल आधार कार्ड म्हणतात. यामध्ये बाळाची सर्व माहिती असते. हेच आधार कार्ड पुढे भविष्यात अपडेट करावे लागते.

आधार कार्ड कसं काढायचं?

बाल आधार कार्ड तुम्ही दोन पद्धतीने काढू शकतात. आधार सेवा केंद्रात तुमच्या बाळाचे आधार कार्ड काढून दिले जाते. अनेक सरकारी किंवा प्रायव्हेट हॉस्पिटलमध्येही जन्म प्रमाणपत्रासोबत आधार कार्ड बनवले जाते.

ऑनलाइन प्रोसेस

सर्वात आधी तुम्हाला UIDAI वेबसाइटवर जायचे आहे.

यामध्ये My Aadhaar वर क्लिक करा. यानंतर बुक अपॉइंटमेंटवर क्लिक करा.

यानंतर तुमचे शहर आणि मोबाईल नंबर निवडा. यानंतर ओटीपी टाकून वेरिफाय करा.

यानंतर आधार सेवा केंद्रात जाण्याची तारीख आणि वेळ निवडा.

ऑफलाइन प्रोसेस

तुम्हाला दिलेल्या वेळेनुसार तुम्हाला जवळच्या आधार कार्ड सेंटरमध्ये जायचे आहे.

यानंतर फॉर्म भरायचा आहे.

आईवडिलांची बायोमेट्रिक आणि आधार कार्ड नंबर टाकायचा आहे.

यानंतर तुम्हाला एक acknowledgment स्लिप मिळणार आहे.

हा एनरोलमेंट आयडी असणार आहे, तो तुम्ही जपून ठेवा.

यानंतर ६० ते ९० दिवसांत तुमच्या घरी आधार कार्ड डिलीवर केले जाईल.