Iphone New Feature: आयफोनचं भन्नाट फीचर! पाण्यातही बिनदिक्कत वापरता येणार फोन?

Apple iphone New Underwater Mode:

स्मार्टफोनमध्ये सर्वांनाच आयफोन घेण्याची इच्छा असते. दरवर्षी आयफोनचे नवीन मॉडेल लाँच होत असते. आयफोनचे नवीन मॉडेल iphone 16 यावर्षी लाँच होणार आहे. या नवीन स्मार्टफोनमध्ये अनेक नवीन फीचर्स येणार असल्याचे सांगण्यात येत आहे.

मीडिया रिपोर्टनुसार, कंपनी iphone 16 लाँच करण्याच्या तयारीत आहे. यासाठी कंपनीने एक नवीन पेटंटदेखील दाखल केले आहे. त्यानंतर आयफोनमध्ये नवीन फीचर मिळू शकते. या नवीन आयफोनमध्ये अंडवॉटर मोड मिळणार असल्याचे सांगण्यात आले आहे. (Latest News)

अॅपलने पेटंटसाठी फाइल दिली आहे. युनायटेड स्टेट्स पेटंट अँड ट्रेडमार्क ऑफिसमध्ये ही फाइल देण्यात आली आहे. यामध्ये कंपनी एक विशेष आयफोन इंटरफेस डिझाइन देणार आहे. ज्यामध्ये अंडरवॉटर आयफोन वापरु शकतो, असे फीचर देण्यात येईल. सध्याच्या iOS सॉफ्टवेअरमध्ये हे फीचर नाही आहे. याबाबत कंपनीने कोणतीही अधिकृत माहिती दिली नाही.

रिपोर्टनुसार, अॅपल या नवीन मोडमध्ये यूजर्संना नवीन इंटरफेस देईल. याचे नाव अंडरवॉटर यूजर इंटरफेस असू शकते. यामध्ये अनेक विविध फीचर देण्यात येणार आहेत.

या नवीन फीचरमध्ये कॅमेरा झूमसाठी व्हॉल्यूम रॉकर वापरु शकतात. हे फीचर iPhone16 मध्ये दिले जाऊ शकतो. यामध्ये अंडरवॉटर मोड देखील दिला जाऊ शकतो. यामध्ये Apple Watch Ultra मध्ये दिलेल्या वॉटर रेसिस्टंस टेक्नॉलॉजी वापरण्यात आली आहे. याचा वापर करुन लोक ४० मीटर पाण्यात स्कूबा डायविंग करु शकतो. ही वॉटर रेसिस्टंस टेक्नॉलॉजी iPhone 16 मध्ये दिली जाऊ शकते.