Ladki Bahin Yojana : लाडक्या बहिणींना मे महिन्याचा हप्ता कधी मिळणार? मंत्री आदिती तटकरे यांनी दिली महत्वाची माहिती

राज्यातील हजारो लाडक्या बहिणी यंदा मे महिन्याचा हप्ता न मिळाल्याने चिंतेत आहेत. मात्र, मंत्री आदिती तटकरे यांनी मे महिन्याच्या हप्ता पहिल्या आठवड्यात मिळणार असल्याचे जाहीर केले होते. अनेक महिलांना मे महिन्याचा हप्ता मिळाला नसल्याची बाब उघडकीस आली आहे. त्यामुळे सर्व लाडक्या बहिणींचे लक्ष मे महिन्याचे हप्त्याकडे लागलं आहे. यादरम्यान मंत्री आदिती तटकरे यांनी महत्वाची अपडेट हाती आली आहे.

अनेक लाडक्या बहिणी मे महिन्याचा हप्ता न मिळाल्याने तक्रारी करत आहेत. बहुतांश लाडक्या बहिणींना एप्रिल आणि मे महिन्याचा हप्ता मिळाला नाही. लाडक्या बहिणींच्या हप्त्याविषयी मंत्री आदिती तटकरे यांनी महत्वाची माहिती दिली आहे.

मंत्री आदिती तटकरे म्हणाले, 'लाभार्थ्यांची पडताळणी ही कोणत्याही योजनेच्या अंमलबजावणीतील सर्वसाधारण आणि नियमित प्रक्रिया आहे. मुख्यमंत्री माझी लाडकी बहीण योजनेच्या अंमलबजावणीतही प्रक्रिया राबवली जातेय. या प्रक्रियेत सेवार्थ मधील जवळपास २ लाख अर्जांची पडताळणी केल्यानंतर त्यात सुमारे २२८९ सरकारी कर्मचाऱ्यांनी मुख्यमंत्री माझी लाडकी बहीण योजनेसाठी नावनोंदणी केल्याची बाब जानेवारी- फेब्रुवारी दरम्यानच लक्षात आली आहे. तेव्हापासून अशा व्यक्तींना कोणताही लाभ वितरित करण्यात आलेला नाही'.

'मुख्यमंत्री माझी लाडकी बहीण योजनेचा लाभ योग्य लाभार्थ्यांनाच देण्यासाठी आम्ही प्रयत्नशील असून, यासाठी अर्जांची पडताळणी ही नियमितपणे चालणारी प्रक्रिया असणार आहे, असे तटकरे यांनी सांगितले.