Success Story: 'ही कलेक्टर होणार...' आजोबांनी स्वप्न दाखवलं, नातीने पूर्ण केले, कोण आहेत आस्था सिंह?

काही दिवसांपूर्वी यूपीएससी २०२४ चा निकाल जाहीर झाला. अनेक विद्यार्थ्यांनी या परीक्षेत यश मिळवले. या परीक्षेत पुन्हा एकदा मुली अव्वल ठरल्या आहेत. या परीक्षेत आस्था सिंहने ६१ रँक प्राप्त केली आहे. विशेष म्हणजे आस्थाने वयाच्या फक्त २१ व्या वर्षी एवढ मोठं यश मिळवलं आहे. यूपीएससी ही देशातील सर्वात अवघड परीक्षा आहे. या परीक्षेत यश मिळवण्यासाठी दिवसरात्र एक करुन अभ्यास करावा लागतो. पहिल्या प्रयत्नात तर खूप कमी जणांना यश मिळले. परंतु आस्थाने तिचे स्वप्न सत्यात उतरवले. ती देशातील सर्वात तरुण आयएएस ऑफिसरपैकी एक आहे. (Youngest IAS Officer Of India)

२१ व्या वर्षी यूपीएससी क्रॅक (Aastha Singh Crack Upsc At 21 Age)

मिडिया रिपोर्टनुसार, आस्था सिंह ही मूळची पंजाबच्या पंचकुला येथील रहिवासी. त्यांचे वडील बृजेश सिंह एका फार्मा कंपनीत क्वालिटी हेड पदावर काम करतात. तर आई शालिनी सिंह पोस्ट ग्रॅज्युएट आहे. आपल्या लेकीने एवढ्या कमी वयात मिळवलेले हे यश पाहून त्यांच्या कुटुंबियांना खूप आनंद झाला. आस्था यांच्या आजोबांचं स्वप्न होतं की त्या आयएएस व्हाव्यात. त्यासाठी त्यांच्या कुटुंबियांनी वडिलांनी खूप सपोर्ट केले. त्याचंच फळ त्यांना मिळालं.

शिक्षण

आस्था सिंह यांनी दिल्ली विद्यापीठातून शिक्षण पूर्ण केले. त्यांनी श्री राम कॉलेज ऑफ कॉमर्समधून इकोनॉमिक्स ऑनर्समध्ये ग्रॅज्युएशन पूर्ण केले. कॉलेजमध्ये असतानाच त्यांनी यूपूएससी परीक्षेची तयारी सुरु केली. त्यांनी हरियाणामध्ये पीसीएस परीक्षादेखील दिली होती. त्यातदेखील त्या पास झाल्या होत्या. सध्या आस्था हरियाणा सरकारमध्ये अॅडिशनल एक्साइज अँड टॅक्सेशन ऑफिसर आहेत.

कोणत्याही कोचिंगशिवाय मिळवलं यश

आस्थानने यूपीएससी परीक्षा क्रॅक करण्यासाठी कोणतेही कोचिंग क्लास लावले नव्हते. त्यांनी सेल्फ स्टडी आणि टाइम मॅनेजमेंटमुळे हे यश मिळवलं आहे. इंटरनेवर अभ्यास, पुस्तके, प्रश्नपत्रिका हेच त्यांचे जग होते. त्यांनी पहिल्याच प्रयत्नात ६१ रँक प्राप्त केली.