Aadhaar-PAN Link: फक्त काही तास शिल्लक! हे काम आताच करा अन्यथा पॅन कार्ड बंद होणार

नवीन वर्षाला सुरुवात होणार आहे. नवीन वर्षात अनेक नियमांमध्ये बदल होणार आहेत. त्यामुळे काही कामे आजच पूर्ण करायची आहे. यातील एक काम म्हणजे आधार पॅन कार्ड लिंक. आधार पॅन कार्ड लिंक करण्याची शेवटची तारीख आज म्हणजेच ३१ डिसेंबर आहे. जर तुम्ही अजूनही पॅन कार्ड आणि आधार कार्ड लिंक केले नसेल तर तुमच्याकडे अवघे काही तास उरले आहेत.

आधार आणि पॅन कार्ड लिंक केले नाही तर तुम्हाला अनेक अडचणी येऊ शकतात. तुमचे पॅन कार्ड बंद होऊ शकते. तुमचे पॅन कार्ड बंद झाल्यावर तुमची अनेक कामे होणार नाहीत. तुम्हाला आयटीआर भरण्यासाठी, बँक अकाउंट उघडण्यासाठी, टॅक्ससंबंधित इतर कामे करण्यासाठी पॅन कार्ड खूप गरजेचे आहे. जर हे पॅन कार्ड बंद झाले तर खूप अडचणी येऊ शकतात.

आधार पॅन कार्ड कसं लिंक करायचं? (How To Link Aadhaar-PAN Card Online)

तुम्ही ऑनलाइन पद्धतीने आयकर विभागाच्या वेबसाइटवर जाऊन लिंक करु शकतात.

सर्वात आधी तुम्हाला https://www.incometax.gov.in/iec/foportal/ या वेबसाइटवर जायचे आहे.

यानंतर Aadhaar Link ऑप्शन निवडा. यानंतर तुम्हाला तुमचा आधार नंबर आणि पॅन कार्ड टाकायचा आहे.

यानंतर तुम्हाला १००० रुपयांची लेट फी भरायची आहे. यानंतर तुमचे आधार पॅन कार्ड लिंक होण्यासाठी प्रोसेस होईल.

यानंतर तुम्हाला एक रिसिप्ट मिळेल. काही दिवसांनी तुमचे आधार पॅन कार्ड लिंक होईल. याची माहिती तुम्हाला मिळेल.

PAN-Aadhaar Link स्टेटस कसा चेक करायचा? (Aadhaar-PAN Link Status)

जर तुम्ही आधार पॅन आधीच लिंक केले असेल तर त्याचा स्टेटस चेक करु शकतात.

सर्वात आधी तुम्हाला इन्कम टॅक्स विभागाच्या वेबसाइटवर जायचे आहे.

यानंतर Link Aadhaar Status वर चेक करा.

यानंतर तुमचे पॅन आणि आधार नंबर टाका. तुमचे आधार आणि पॅन लिंक आहे की नाही हे तुम्हाला समजेल.