Aadhaar-Pan Link: पॅन-आधार लिंक करण्यासाठी शेवटचे ३० दिवस, वाचा ऑनलाइन स्टेप बाय स्टेप प्रोसेस

आधार आणि पॅन कार्ड हे दोन्ही कागदपत्र खूप महत्त्वाचे आहेत.आता सरकारने आधार-पॅन कार्ड लिंक करणे अनिवार्य केले आहे. आधार-पॅन लिंक करण्याची शेवटची तारीख ३१ डिसेंबर २०२५ आहे. जर तुम्ही आधार आणि पॅन कार्ड लिंक केले नाही तर तुमचे पॅन कार्ड बंद होईल. त्यामुळे तुम्हाला भविष्यात अनेक अडचणी येऊ शकतात.

करदात्यांसाठी पॅन कार्ड हे खूप महत्त्वाचे असते. तसेच बँक अकाउंट उघडण्यापासून ते शेअर मार्केट, म्युच्युअल फंडमध्ये गुंतवणूक करण्यापर्यंत सर्व महत्त्वाच्या कामांसाठी पॅन कार्ड गरजेचे आहे. दरम्यान, तुम्ही घरबसल्या ऑनलाइन पद्धतीने आधार आणि पॅन कार्ड लिंक करु शकतात.याची संपूर्ण प्रोसेस जाणून घ्या.

टॅक्स फाइलिंगमध्ये प्रोत्साहन देण्यासाठी सीबीडीटीने आधार पॅन लिंक करणे अनिवार्य केले आहे. हे आयटीआर फाइल करण्यासाठी गरजेचे आहे. ज्यांचे पॅन कार्ड १ ऑक्टोबर २०२५ आधीचे आहे त्यांच्यासाठी हे काम करणे गरजेचे आहे.

आधार पॅन लिंक करण्याची ऑनलाइन प्रोसेस (Aadhaar Pan Link Online Process)

सर्वात आधी तुम्हाला आयकर विभागाच्या वेबसाइटवर जायचे आहे.

यानंतर तुम्हाला Link Aadhaar वर जायचे आहे.

यानंतर तुम्हाला पॅन आणि आधार नंबर टाकायचे आहे.

यानंतर तुम्हाला फोनवर ओटीपी येणार आहे. यानंतर ओटीपी टाकावा.

यानंतर तुम्हाला १००० रुपये शुल्क भरावे लागणार आहे. यानंतर तुमचे आधार आणि पॅन कार्ड लिंक होईल.

यानंतर तुम्हाला तिथेच Link Aadhaar Statusवर जाऊन चेक करु शकतात.

आधार पॅन लिंक करताना या गोष्टी लक्षात ठेवा

आधार पॅन लिंक करताना तुमच्या आधार आणि पॅनवरील नाव, जन्मतारीख आणि मोबाईल नंबर एकच असणे गरजेचे आहे. आयकर विभागाची वेबसाइटमध्ये आधार पॅन लिंक करताना अनेक अडचणी येतात. त्यामुळे शेवटच्या तारखेची वाट पाहू नका. तुम्ही आधार-पॅन लिंक केल्यानंतर स्क्रिनशॉट घेऊ ठेवा.