8th Pay Commission: वर्षाला इक्रिमेंट, पेन्शन आणि फिटमेंट फॅक्टर; आठव्या वेतन आयोगासाठी कर्मचाऱ्यांच्या मागण्या काय?

आठव्या वेतन आयोगाची लाखो कर्मचारी आणि पेन्शनधारक वाट पाहत आहे. केंद्र सरकार आठव्या वेतन आयोगाअंतर्गत कर्मचारी आणि पेन्शनधारकांच्या पगारात चांगली वाढ करु शकते. यासाठी शिफारसी तयार केल्या जात आहे. आठव्या वेतन आयोगाचे काम सुरु झाल्यानंतर नोव्हेंबर २०२५ मध्ये टर्म्स ऑफ रेफरन्स जाहीर केले. सरकारने यासाठी १८ महिन्यांचा वेळ दिला आहे. या कालावधीत शिफारसी लागू केल्या जातील. यावर फिटमेंट फॅक्टर ठरवला जाईल. यानंतर पगारवाढ केली जाईल. दरम्यान, याचसोबत कर्मचाऱ्यांनीह काही मागण्या केल्या आहे.

१ जानेवारी २०२६ पासून लागू करण्याची मागणी (8th Pay Commission Implementation Date)

ऑल इंडिया ट्रेड यूनियन कांग्रेस (AITUC)ने मागणी केली आहे की, वेतन, पेन्शन, भत्ते हे सर्व १ जानेवारी २०२६ पासून लागू करावेत. जर असे झाले तर कर्मचाऱ्यांना १ जानेवारीपासून एरियर मिळणार आहे. सातवा वेतन आयोग २०१६ रोजी लागू झाला होता. यासाठी सहा महिन्यांचा एरियर दिला होता. त्यानंतर आता आठवा वेतन आयोग २०२८ मध्ये लागू होऊ शकतो. त्यामुळे दोन वर्षांचा एरियर मिळू शकतो.

AITUC च्या मागण्या

• आठव्या वेतन आयोगात फिटमेंट फॅक्टर कमीत कमी ३.० ठेवण्याची मागणी

• जुनी पेन्शन योजना पुन्हा लागू करण्याची मागणी

• दर ५ वर्षांनी पेन्शनमध्ये ५ टक्क्यांची वाढ

• केंद्रीय कर्मचाऱ्यांचा वार्षिक इंक्रिमेंट कमीत कमी ६ टक्क्यांनी वाढवण्याची मागणी

• फॅमिली युनिट ३ वरुन ५ करण्याची मागणी

• पेन्शन कम्युटेशनची पुनर्स्थापन १५ वर्षांवरुन ११-१२ वर्ष करण्याची सूचना

• ३० वर्षांच्या सेवेत किमान ५ पदोन्नतींची मागणी

• इंटरनेटच्या तांत्रिक गरजांचा खर्च पगारात समाविष्ट करण्याची मागणी