8th Pay Commission: सरकारी कर्मचाऱ्यांचा पगार ३६,००० रुपयांनी वाढण्याची शक्यता; आठव्या वेतन आयोगाबाबत मोठी अपडेट

सरकारी कर्मचारी आठव्या वेतन आयोगाची वाट पाहत आहेत. आठवा वेतन आयोग कधी लागू होणार असा प्रश्न विचारला जात आहे. यासाठी समितीची स्थापना करण्यात आली आहे.ही समिती शिफारसी तयार केल्या जाणार आहे. यासाठी १८ महिन्यांची मुदत दिली आहे. दरम्यान, आठव्या वेतन आयोगात पगारवाढ किती मिळणार असा प्रश्न विचारला जात आहे. कर्मचाऱ्यांची पगारवाढ ही फिटमेंट फॅक्टरवर अवलंबून असते.

मागच्या ६व्या आणि ७व्या वेतन आयोगासाठी लागू केलेल्या पगाराच्या रचनेवर नवीन फिटमेंट फॅक्टर तयार केला जाणार आहे. सहाव्या वेतन आयोगात एंट्री लेव्हल कर्मचाऱ्यांचा पगार ६६०० ते ८०,००० रुपयांपर्यंत झाली. सातव्या वेतन आयोगात २.५७ फिटमेंट फॅक्टर लागू केला होता. यामध्ये कर्मचाऱ्यांचा पगार १८००० ते २,५०,००० रुपयांपर्यंत निश्चित केला होता. याचसोबत वर्षाला ३ टक्क् इंक्रिमेट दिले जाते.

आठव्या वेतन आयोगात पगारवाढ (8th Pay Commission Salary Hike)

आता आठव्या वेतन आयोगात पगारवाढ किती होणार याकडे सर्वांचेच लक्ष लागले आहे. आठव्या वेतन आयोगाच्या अधिसूचना लागू होण्यास अजून वेळ लागू शकतो. दरम्यान, कर्मचाऱ्यांची संघटनांची मागणी अशी आहे की, फिटमेंट फॅक्ट ३.० ते ३.२५ मध्ये असावा.

पगाराचे कॅल्क्युलेशन

आठव्या वेतन आयोगात जर फिटमेंट फॅक्टर ३ ठेवला तर लेव्हल १ कर्मचाऱ्यांचा पगार १८,००० रुपयांवरुन ५४,००० रुपये होऊ शकते. लेव्हल १ कर्मचाऱ्यांच्या पगारात ३६,००० रुपयांची वाढ होईल. लेव्हल १८ कर्मचाऱ्यांचा पगार २,५०,००० रुपयांवर ७,५०,००० रुपये होऊ शकतो.