8th Pay Commission: आठवा वेतन आयोग कधीपासून लागू होणार? पगारवाढ कधी येणार? वाचा सविस्तर

सरकारी कर्मचारी आठव्या वेतन आयोगाची वाट पाहत आहेत. आठव्या वेतन आयोगात पगारवाढ किती मिळणार असा प्रश्न कर्मचाऱ्यांना पडला आहे. दरम्यान, याचसोबत वेतन आयोग कधीपासून लागू होणार याकडे सर्वांचेच लक्ष लागले आहे. केंद्र सरकारने आठव्या वेतन आयोगासाठी २०२५ मध्ये टर्म्स ऑफ रेफरन्स जारी केले. यानुसार आता समिती शिफारसी तयार करणार आहेत. यासाठी १८ महिन्यात शिफारसी तयार करण्यास सांगितले आहे.

आठव्या वेतन आयोगात नवीन पगारवाढ १ जानेवारी २०२६ पासून लागू होणार की नाही याकडे सर्वांचेच लक्ष लागले आहे. आठव्या वेतन आयोगाच्या मंजुरीनंतर १८ महिन्यात शिफारसी सादर करण्यास सांगितले आहे. त्यानंतर वेतन आयोग लागू केला जाईल. परंतु जेव्हा शिफारसी सादर होऊन केंद्राकडून मंजुरी मिळेल त्या दिवसापासून ते १ जानेवारी २०२६ पासून नवीन वेतन आयोग लागू होईल याबबाबत सरकारी कर्मचाऱ्यांना प्रश्न पडले आहेत.

आठवा वेतन आयोग कधीपासून लागू होणार? (8th Pay Commission Implementation Date)

मागील वेतन आयोगानुसार, ६व्या वेतन आयोगाची रिपोर्ट २००८ मध्ये दिला होता. परंतु वेतन आयोग १ जानेवारी २००६ पासून लागू झाला होता. ७व्या वेतन आयोगातदेखील दीड वर्षांचा कालावधी लागला होता. परंतु वेतन आयोग त्याच तारखेपासून लागू झाला होता. दरम्यान, आताही आठव्या वेतन आयोगात शिफारसी लागू होण्यास उशिर होऊ शकतो. परंतु वेतन आयोग हा १ जानेवारी २०२६ पासून लागू होणार आहे.

कर्मचाऱ्यांना सूचना सादर करण्यास सांगितले

आठव्या वेतन आयोगाबाबत कर्मचाऱ्यांच्या काही मागण्या आहेत. शिफारसी तयार करताना कर्मचाऱ्यांच्या मतांचाही विचार केला जाणार आहे. यासाठी कर्मचाऱ्यांना सूचना सादर करण्यासाठी सांगितल्या आहे. ३१ मार्च २०२६ पर्यंत कर्मचाऱ्यांना सूचना सादर करायच्या आहे. त्यानंतर कर्मचाऱ्यांची मते विचारात घेऊन शिफारसी सादर केल्या जातील.