8th Pay Commission: लेव्हल १ ते १८; आठव्या वेतन आयोगात सरकारी कर्मचाऱ्यांचा पगार कितीने वाढणार?

सरकारी कर्मचाऱ्यांच्या आठव्या वेतन आयोगाला मंजुरी मिळाली आहे. आठव्या वेतन आयोगात कर्मचाऱ्यांचा पगार कितीने वाढणार असा प्रश्न सर्वांनाच पडलेला आहे. दरम्यान, आठव्या आयोगात कर्मचाऱ्यांचा पगार कितीने वाढणार याबाबत कोणतीही अधिकृत माहिती समोर आलेली नाही. दरम्यान, आठव्या वेतन आयोगात कर्मचाऱ्यांचा पगार कितीने वाढणार याबाबत तज्ज्ञांनी आपले मत व्यक्त केले आहे.

मिडिया रिपोर्टनुसार, आठव्या वेतन आयोगातील पगार आणि पेन्शन वाढ ही फिटमेंट फॅक्टरवर निश्चित होते. यासाठी समिती स्थापन केली आहे. ही समिती शिफारसी सादर करेल. त्यानंतर सरकारने मंजुरी दिल्यानंतर पगारवाढ होणार आहे.

तज्ज्ञांनी दिलेल्या माहितीनुसार, फिटमेंट फॅक्टर १.७० ते २.८६ च्या मध्ये असू शकतो.यामध्ये लेव्हल १ ते १८ पर्यंतच्या कर्मचाऱ्यांचा पगार कितीने वाढणार ते जाणून घ्या.

पगार कितीने वाढणार?

जर फिटमेंट फॅक्टर २.१५ झाला तर पगारवाढ

लेव्हल १ कर्मचाऱ्यांचा पगार १८००० रुपयांवरुन ३८,७०० रुपये होईल. म्हणजेच २०,७०० रुपयांनी वाढ होईल.

लेव्हल १० कर्मचाऱ्यांचा पगार ५६,१०० वरुन १,२०,६१५ रुपये होईल. हा पगार ६४,५१५ वाढेल.

लेव्हल १८ कर्मचाऱ्यांचा पगार २,५०,००० वरुन ५,३७,५०० रुपयांनी वाढ झाली आहे. एकूण पगार २,८७,५०० रुपयांनी वाढू शकतो.

२.८६ फिटमेंट फॅक्टर झाल्यास पगारवाढ

लेव्हल १ कर्मचाऱ्यांचा पगार १८००० रुपयांवरुन ५१,४८० होईल. हा पगार ३३,४८० रुपयांनी वाढेल.

लेव्हल ३ कर्मचाऱ्यांचा पगार २१,७०० वरुन ६२,०६२ रुपये होईल. हा दर ४०,३६२ रुपयांनी वाढेल.

लेव्हल ६ नुसार कर्मचाऱ्यांना ३५,४०० रुपयांवरुन १,०१,२४४ रुपये होईल. हे दर ६५,८४४ रुपयांनी वाढेल.

लेव्हल १० कर्मचाऱ्यांचा पगार १,०४,३४६ रुपयांनी वाढू शकतो. हा पगार ६५,८४४ रुपयांवरुन १,६०,४४६ रुपये होईल.