केंद्र सरकारच्या लाखो कर्मचारी आणि पेन्शनधारकांसाठी आठवा वेतन आयोग महत्त्वाचा ठरणार आहे. बेसिक पगार, फिटमेंट फॅक्टर, पे- मॅट्रिक्स आणि पेन्शनमध्ये किती वाढ होणार, याकडे सर्वांचं लक्ष लागलं आहे. आयोगाच्या कामकाजासंदर्भात सध्या पाच महत्त्वाच्या अपडेट्स समोल आल्या आहेत.
आठव्या वेतन आयोगाला अंतिम शिफारसी सादर करण्यासाठी १८ महिन्यांची मुदत देण्यात आली आहे. त्यापैकी ९ महिने पूर्ण झाले आहेत. आयोगाने अंतर्गत रुपरेषा तयार करण्यासोबतच विविध मंत्रालये, विभाग आणि कर्मचारी संघटनांकडून मिळालेल्या निवेदनांवर प्रोसेस सुरू केली आहे. सध्या विविध राज्ये आणि विभागांच्या प्रतिनिधींशी सल्लामसलत केली जात आहे.
आयोगाच्या अटींनुसार नवीन वेतनश्रेणीची प्रभावी तारीख १ जानेवारी २०२६ मानली जाते. आयोगाचा अहवाल आणि त्याची अंमलबजावणी नंतर झाली, तरी त्या तारखेपासून वाढीव वेतन लागू झाल्याने कर्मचाऱ्यांना थकीत रकमेच्या स्वरुपात एरियर मिळू शकतो.
सातव्या वेतन आयोगात फिटमेंट फॅक्टर २.५७ होता. यावेळी कर्मचारी संघटनांकडून तो २.८६ ते ३.६८ करण्याची मागणी केली आहे. मात्र अंतिम फिटमेंट फॅक्टर अजून ठरलेला नाही. काही अंदाजांनुसार तो २.२५ ते २.५७ दरम्यान असण्याची शक्यता व्यक्त केली जात आहे.
सध्या किमान बेसिक सॅलरी १८,००० आहे. जर २.२५ ते २.५७ फिटमेंट फॅक्टर लागू झाला, तर बेसिक सॅलरी अंदाजे ४०,००० ते ४६,००० पर्यंत जाऊ शकतो. सध्याची पेन्शन ९००० रुपये असून तीही वाढण्याची शक्यता आहे. मात्र हे आकडे अंतिम नसून संभाव्य अंदाज आहेत.
आयोगाकडून संरक्षण, रेल्वे, टपाल, नागरी सेवा आणि पेन्शन संघटनांकडून निवेदनं मागवली जात आहेत. विविध शहरांमध्ये कर्मचारी प्रतिनिधींशी चर्चा करून महागाई आणि जीवनावश्यक खर्चाचा आढावा घेतला जात आहे. महत्त्वाचं म्हणजे, फिटमेंट फॅक्टर आणि नवीन पे-मॅट्रिक्सबाबत अंतिम निर्णय आयोगाच्या शिफारशी आणि केंद्र सरकारच्या मंजुरीनंतरच स्पष्ट होतील.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.