50MP Sony IMX882 कॅमेरा, 5500mAh बॅटरी; या दिवशी भारतात लॉन्च होणार Realme GT 6T स्मार्टफोन

Upcoming Smartphones:

Realme लवकरच भारतात आपला पॉवरफुल मिड-रेंज स्मार्टफोन लॉन्च करणार आहे. कंपनीने या स्मार्टफोनची लॉन्च तारीख जाहीर केली आहे. कंपनी 22 मे 2024 रोजी दुपारी 12:00 वाजता भारतीय ग्राहकांसाठी Realme GT 6T लॉन्च करेल.

कंपनी दोन वर्षांनी भारतात Realme GT सीरीज आणत आहे. कंपनीचे म्हणणे आहे की, Realme चा हा मिड-रेंज स्मार्टफोन गेम चेंजर ठरेल. ग्राहक realme.com, Amazon.in आणि ऑफलाइन स्टोअरला भेट देऊन हा स्मार्टफोन खरेदी करू शकतील.

Realme GT 6T स्मार्टफोन 4 नॅनोमीटर अॅडव्हान्स Snapdragon 7 Plus Gen 3 चिपसेटसह येईल. हाय परफॉर्मन्स, हाय स्पीड आणि मजबूत बॅटरी लाईफसह हा फोन भारतात येत आहे. यासह याचा CPU परफॉर्मन्स 15 टक्के वाढेल, ज्यामुळे GPU पॉवर 45 टक्क्यांनी वाढेल.

या स्मार्टफोनमध्ये 1.5K 8T LDPO डिस्प्ले मिळण्याची शक्यता आहे. तसेच यामध्ये 120 Hz रिफ्रेश रेट सपोर्ट दिला जाऊ शकतो. पॉवर बॅकअपसाठी 5500mAh बॅटरीची सुविधा देखील उपलब्ध असेल आणि 120 वॅट वायर्ड चार्जिंग सपोर्ट देखील यात ग्राहकांना मिळू शकतो.

या स्मार्टफोनमध्ये OIS सपोर्टसह 50MP Sony IMX882 सेन्सर आणि 8MP अल्ट्रा-वाइड कॅमेरा ग्राहकांना मिळेल. या फोनला सेफ्टीच्या बाबतीत IP65 रेटिंग मिळाली आहे. हा फोन Android 14 आधारित Realme UI 5.0 सपोर्टसह लॉन्च केला जाईल.

किती असेल किंमत?

सध्या कंपनीने अधिकृतपणे फोनची किंमत उघड केलेली नाही. मात्र समोर आलेल्या माहितीनुसार, Realme GT 6T च्या 8GB/128GB व्हेरिएंटची किंमत 29,999 रुपये, 8GB/256GB ची किंमत 33,999 रुपये आणि 12GB/512GB व्हेरिएंटची किंमत 35,999 रुपये असू शकते.