Budget 2024 For PMAY: घराची चिंता खरंच मिटणार! बजेटमध्ये अफोर्डेबल हाउसिंग स्कीमबाबत मोठी घोषणा; वाचा

दिल्ली, ता. २३ जुलै २०२४

मोदी सरकारचा पहिला अर्थसंकल्प आज सादर होत आहे. अर्थमंत्री निर्मला सितारामण या संसदेत अर्थसंकल्पाचे वाचन करत आहेत. यामध्ये शेतकरी, महिला, युवकांसाठी मोठ्या घोषणा करण्यात आल्या आहेत. या बजेटमध्ये औद्योगिक कर्मचाऱ्यांच्या घराचं स्वप्न पुर्ण होणार असून सरकारने सर्वात मोठी घोषणा केली आहे.

एनडीए सरकारचा पहिला अर्थसंकल्प सादर झाला आहे. अर्थमंत्री निर्मला सितारामण यांनी आजच्या बजेटमध्ये परवडणाऱ्या घरांबाबत (अफोर्डेबल हाऊसिंग स्किम) मोठ्या घोषणा केल्या आहेत. यामध्ये औद्योगिक कर्मचाऱ्यांसाठी पीपीपी (पब्लिक प्रायवेट पार्टनरशिप) मोडमध्ये भाड्याची घरांची निर्मिती केली जाणार असल्याचे सांगितले आहे.

अर्थमंत्र्यांनी उद्योगात काम करणाऱ्या कामगारांसाठी भाडेतत्त्वावरील घरांची योजना जाहीर केली आहे. शहरातील एक कोटी गरीब आणि मध्यमवर्गीय कुटुंबांना पीएम आवास योजना 2.0 मध्ये लाभ दिला जाणार आहे. तसेच निवडक शहरांमध्ये १०० आठवडी हाट किंवा स्ट्रीट फूड हब बनवले जाणार आहे. 30 लाखांपेक्षा जास्त लोकसंख्या असलेल्या 14 मोठ्या शहरांमध्ये संक्रमणाभिमुख विकास योजना असतील.

त्यासोबत मुद्रा लोनची मर्यादा १० लाखांवरुन आता २० लाख रुपये करण्यात आली आहे. मुद्रा लोनची मर्यादा वाढवल्यनं MSME क्षेत्राला मोठ्या प्रमाणाता प्रोत्साहन मिळेल, असं जाणकारांचे म्हणणे आहे. दरम्यान, या बजेटमध्ये शेतीसाठी नव्या योजनांचा अभाव जाणवत असून कोणत्याही मोठ्या घोषणा झाल्या नसल्याने शेतकऱ्यांमध्ये नाराजी आहे.