Digital Maal Viral Video

टेक्नोलॉजीच्या युगात आपल्या रोजच्या वापराच्या अनेक गोष्टी डिजिटल झाल्या आहेत. अशातच सोशल मीडियावर एक टेक्नॉलॉजी संबंधित व्हिडीओ व्हायरल होत आहे. ज्यामध्ये पूजेची माळ ही चक्क डिजीटल स्वरूपात आली आहे.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पूजा करताना कोणत्याही मंत्राचा जप करताना आपल्याला माळही लागतेच. कधी कधी जप करत असताना आपण कितीवेळा मंत्र जपला आहे हे विसरून जातो. त्यामुळे मंत्रांचा जप करण्यासाठी माळ उपयोगी ठरते.

परंतु व्हायरल व्हिडीओत आपल्याला दिसते की, बाजारात चक्क डिजीटल माळेची मशीन आली आहे. या मशीनद्वारे आता आपल्याला मंत्र जपताना तो कितीवेळा जपला आहे, हो मोजायला मदत मिळणार आहे. व्हिडिओत आपल्याला वेगवेगळ्या रंगातील मशीन दिसत आहे.

भारतातील प्रसिद्ध उद्योगपतींपैकी एक असलेल्या हर्ष गोएंका यांनी आपल्या एक्स अकाऊंटवरुन हा व्हिडीओ शेअर केला आहे. हर्ष गोएंका हे सोशल मीडियावर नेहमीच सक्रिय असतात. तसेच त्यांनी केलेल्या अनेक पोस्ट मोठ्या प्रमाणात व्हायरल होत असतात. व्हिडिओ पोस्ट करत गोयंका यांनी कॅप्शनमध्ये लिहिल आहे की, माळ पण डिजिटल-वाह इंडिया!".

व्हायरल होणाऱ्या व्हिडिओवर मोठ्या प्रमाणात प्रतिक्रिया आल्या आहेत. व्हिडिओ ४ डिसेंबरला पोस्ट होताच व्हिडिओने लोकांचे लक्ष वेधून घेतले आहे. व्हिडिओला हजारोंच्या घरात लाईक्स् मिळल्या आहेत आणि कमेट्सही येत आहे.