Saudi Arabia Rain Video: सध्या देशात अनेक ठिकाणी पावसाने हाहाकार माजवला आहे. भारतासह अनेक देशांमध्ये पावसाचा कहर पाहायला मिळत असून मोठ्या दुर्घटनाही समोर येत आहेत. सौदी अरेबियामध्येही पावसाचा कहर पाहायला मिळत आहे. सौदी अरेबियातील मक्का शहरातील व्हिडिओ सध्या सोशल मीडियावर तुफान व्हायरल होत आहे, ज्यामध्ये पावसाच्या वेगापुढे लोक चालता चालता कोसळताना दिसत आहेत. (Saudi Arabia Rain Video)

याबाबत सविस्तर माहिती अशी की, सौदी अरेबियातील मक्का शहरात पावसाने हाहाकार माजवला आहे. ज्याचा एक धक्कादायक व्हिडिओ सोशल मीडियावर (Viral Video) व्हायरल होत आहे. सौदी अरेबियामधील स्थानिक माध्यमांनी दिलेल्या वृत्तानुसार, सौदीमधील मक्का शहरात वादळी वाऱ्यासह मुसळधार पाऊस झाला. वादळ वाऱ्यासह विजेच्या कडकटांसह झालेल्या या पावसाने अनेक भागात मोठे नुकसान केले.

मक्का (Macca) शहरातील मशिदीत आलेल्या पर्यटकांचे या पावसाने अतोनात हाल झाले. पावसाच्या रौद्ररुपाचा व्हिडिओ सध्या सोशल मीडियावर जोरदार व्हायरल होत आहे. ज्यामध्ये पावसाचा आणि वाऱ्याचा वेग इतका आहे की लोक चालता चालता घसरताना, पडताना दिसत आहेत. पावसाच्या या रुद्रावताराने लोक चांगलेच घाबरुन गेले असू न एकमेकांना मदत करत लोक रस्त्यावर चालताना दिसत आहेत.

व्हिडिओमध्ये तुम्ही पाहू शकता की, वादळ वाऱ्यासह मुसळधार पाऊस कोसळताना दिसत आहे. या पावसाचा वेग इतका भयंकर आहे की लोक रस्त्यावर चालता चालता घसरताना दिसत आहेत. रस्त्यावरील वस्तू, वाहने अक्षरशः पालापाचोळ्यासारखी उडून जात आहेत. निसर्गाच्या प्रलयाचा हा व्हिडिओ काळजाचा थरकाप उडवणारा आहे. (Latest Marathi News)