Viral : इंटरनेट सेन्सेशन डॉली चायवाला पुन्हा एकदा त्याच्या इंस्टाग्राम रीलमुळे चर्चेत आलाय. या व्हिडिओमुळे त्याने नेटिझन्सचे लक्ष वेधून घेतलंय. भारतातील सर्वात प्रसिद्ध चहा विक्रेत्यांपैकी एक डॉली चायवाला गेल्या आठवड्यात दुबईला फिरायला गेला होता. या दुबई दौऱ्यादरम्यान तो एका आलिशान गाडीमध्ये बुर्ज खलिफा पहायला गेला होता. तिथे त्याने नवीन रील शूट केले जे इंटरनेटवर प्रचंड व्हायरल झाले आहे. व्हायरल झालेल्या व्हिडिओमध्ये डॉली दुबईमधील प्रतिष्ठित बुर्ज खलिफावर कॉफीची चुस्की घेताना दिसत आहे. बुर्ज खलिफा दुबईमधील सर्वात उंच इमारत आहे.

डॉली चायवालाने त्याच्या सोशल मीडियावर शेअर केलेल्या व्हिडिओमध्ये, "एक कॉफी पीने बुर्ज खलिफा के टॉप पे गए" असे कॅप्शन दिले आहे. डॉली चायवाला नावाने प्रसिद्ध असलेले सुनील पाटील, नागपूरचा चहा विक्रेता आहे. या वर्षाच्या सुरुवातीला डॉली चायवालाच्या टपरीवर मायक्रोसॉफ्टचे सह-संस्थापक बिल गेट्स हे चहा प्यायले होते. त्यांचा व्हिडिओ सोशल मीडियावर पोस्ट केल्यानंतर इंटरनेटवर बिल गेट्स आणि डॉलीचा व्हिडिओ प्रचंड व्हायरल झाला होता. डॉलीच्या अतरंगी स्टाईलमुळे तो सोशल मीडियावर लोकप्रिय आहे. नेटकऱ्यांनीदेखील त्याच्या या व्हिडिओवर कमेंट्सचा पाऊस पडलाय.

काही महिन्यांपूर्वी मायक्रोसॉफ्टचे सह-संस्थापक बिल गेट्स हे भारत दौऱ्यावर होते. त्या दरम्यान त्यांनी नागपुरामधील डॉली चायवाल्याच्या स्टॉलवरून चहाचा आस्वाद घेतला, त्या दरम्यान डॉ़लीने बिल गेट्स त्याच्या स्टॉलवर चहाचा आस्वाद घेताना काढलेले फोटोज आणि व्हिडिओज त्याच्या सोशल मिडियोवर पोस्ट केले.

ते फोटो व्हिडिओज् प्रचंड व्हायरल झाले. बिल गेट्स यांनी व्हिडिओ पोस्ट करताना 'चाय पे चर्चा' असं व्हिडिओला कॅप्शन दिले होते. या व्हिडिओला लाखो व्ह्यूज मिळाले होते. काही लोक त्याला 'जॅक स्पॅरो ऑफ इंडिया' म्हणून देखील ओळखतात. दुबईला जाण्याआधी डॉली चायवाला मालदीवला फिरायला गेला होता. त्याचे तिथे काढलेले फोटोज आणि व्हिडिओज सोशल मिडियावर व्हायरल होत आहेत.