स्मशानभूमीत पत्र्याच्या शेडवर एक महिला चढत असल्याचा हा व्हिडिओ आहे...रात्री 12 वाजता स्मशानभूमीत भूत फिरत असल्याचा दावा करण्यात आलाय...कुणीही रात्री स्मशानभूमीत जाऊ नका, भूत फिरतंय असा दावा करण्यात आलाय...हा व्हिडिओ आता व्हायरल होत असल्याने भीती निर्माण झालीय...पण, या व्हिडिओत दिसतंय ते खरं आहे का...

हा व्हिडिओ आता प्रचंड व्हायरल होत असल्याने भीतीचं वातावरण निर्माण झालंय...कारण व्हिडिओत महिला पत्र्याच्या शेडवर चढत असताना व्हिडिओ बनवणारी व्यक्ती बोलताना दिसतेय...या महिलेचे पाय उलटे आहेत, आणि ती वरती वरती जातेय असं ही व्यक्ती बोलताना आवाज ऐकू येतोय...त्यामुळे या व्हिडिओवर अनेकांना विश्वास बसू लागलाय...हा व्हिडिओ संभाजीनगरातील असल्याचा दावा केलाय...याची आम्ही पडताळणी करण्यासाठी आमचे प्रतिनिधी थेट स्मशानभूमीत पोहोचले...आणि खरंच रात्री भूत फिरताना पाहिलंय का हे स्मशानभूमीत काम करणाऱ्यांकडून जाणून घेतलं...

यांच्या 5 पिढ्या स्मशानभूमीत राहिल्यायत...मात्र, त्यांना कधीही असा प्रकार पाहिला नसल्याचं सांगितलंय...तरीदेखील आम्ही अंनिसच्या कार्यकर्त्यांची भेट घेतली...आणि याव्हिडिओबद्दल अधिक माहिती जाणून घेतली... भूत आहे हे सिद्ध केल्यास 25 लाखाचे बक्षीस देऊ असं अंनिसने जाहीर केलंय...

भूताचा व्हिडिओ तयार करण्यात आलाय

भीती निर्माण करण्यासाठी व्हिडिओ व्हायरल

भूत या जगात अस्तित्वातच नाही

समाजकंटकांकडून अंधश्रद्धा पसरवण्याचा प्रयत्न

जगात कुठेही भूत नाही...भीती निर्माण करण्यासाठी असे व्हिडिओ व्हायरल केले जातायत...त्यामुळे आमच्या पडताळणीत स्मशानभूमीत भूत फिरत असल्याचा दावा असत्य ठरलाय...