Dance Viral Video: बऱ्याच वेळेस सोशल मीडियावर वेगवेगळे डान्स व्हिडिओ व्हायरल होत असतात. काही रील्स पाहिल्यावर केवळ करमणूक होते, पण काही व्हिडिओ मनाला भिडतात, संस्कृतीची आठवण करून देतात. सध्या असाच एक पारंपरिक मराठी गाण्यावर सादर केलेला डान्स व्हिडिओ सध्या सोशल मीडियावर प्रचंड चर्चेत आला आहे. 'ढोलकीच्या तालावर, घुंगराच्या बोलावर' या गाण्यावर चार मराठमोळ्या महिलांनी दिलेला अप्रतिम नृत्याविष्कार सध्या सर्वांचे लक्ष वेधून घेत आहे.

या डान्स(DANCE) व्हिडिओतील चार महिलांनी नऊवारी साडी नेसली असून त्यांच्या वेशभूषेतून पारंपरिकतेचा दरवळ जाणवतो. प्रत्येकीच्या कपाळावर कुंकू, नाकात नथ, गळ्यात काळा पोत, केसात गजरा अशा सजलेल्या या महिला मराठमोळ्या सौंदर्याचं जणू सजीव रूप वाटत आहेत. त्यांच्या पोशाखात केवळ सौंदर्य नव्हे, तर आपल्या संस्कृतीचा गौरवही आपल्याला दिसून येईल.

सोशल मीडियावर प्रेक्षकांचा उदंड प्रतिसाद

व्हिडिओ पोस्ट होताच अल्पावधीतच त्याला हजारो लाईक्स आणि शेअर्स मिळाले. अनेकांनी या व्हिडिओखाली कमेंट करत महिलांचं कौतुक केलं आहे. एका यूजरने म्हटलं आहे की,' 'संस्कृतीला जपणारं सुंदर सादरीकरण'' तर दुसऱ्या यूजरने म्हटलं,''या डान्सने मन प्रसन्न झालं'', अशा शब्दांत लोकांनी त्यांच्या डान्सचं कौतुक केलं आहे.

हा व्हिडिओ (VIDEO)पहिल्यांदा इन्स्टाग्रामवरील mansi.gawande या अकाउंटवर अपलोड करण्यात आलेला आहे. त्यानंतर तो फेसबूक, ट्वीटर (एक्स) अशा अनेक सोशल मीडिया प्लॅटफॉर्मवर शेअर करण्यात येत आहे. यापूर्वीही या महिलांचे सुंदर असे डान्स व्हिडिओ नेटकरी वर्गाला प्रचंड आवडलेले होते.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.