सध्या उत्तर प्रदेशातील हाथरस घटनेने संपूर्ण देश हादरुन गेला आहे. उत्तर प्रदेशच्या हाथरस जिल्ह्यात भोले बाबाच्या सत्संगदरम्यान मंगळवारी झालेल्या भीषण चेंगराचेंगरीत अनेक भाविक ठार झाले. या मृतांमध्ये मोठ्या प्रमाणात महिला आणि लहान मुलांचाही समावेश आहे. आता पर्यंत १२० जणांचा मृत्यू झाला आहे आहे तर अनेक व्यक्ती जखमी झाले आहेत.

कधी घटना घडली?

उत्तर प्रदेशच्या हाथरस येथे मंगळवार( ता.३ जुलै) दुपारच्या सुमारास ही दुर्देवी घटना घडली. जो सत्संग हाथरसमधील फुलरई मुगलगढी येथे नारायण विश्व हरी भोले बाबा यांच्या सत्संगाचं आयोजन करण्यात आले होते. ज्यासाठी हाथरसमध्ये संपूर्ण भाविक आले होते. या कार्यक्रमाला लाखों भाविकांची गर्दी झाली होती.

मात्र सत्संगमध्ये बाबांच प्रवचन झाल्यानंतर बाबांच्या पदस्पर्श दर्शनासाठी एकाच वेळी लाखों भाविकांची झुंबड उडाली आणि या सर्व प्रकारातून ही संपूर्ण चेंगराचेंगरी झाली असे समजण्यात येत आहे. जेव्हा लाखोंच्या संख्येने असलेले भाविक एकाच वेळी पदस्पर्श दर्शनासाठी जात होते, तेव्हा भाविकांमध्ये चेंगराचेंगरी होऊन एकच गोंधळ उडाला अनेक महिला तसेच लहान मुले पायदळी तुडविली गेली.

कोण आहेत भोले बाबा...?

उत्तर प्रदेशातील भोले बाबांच्या सत्संमध्ये भीषण घटना घडली होती. त्यानंतर प्रत्येक सोशल मीडियापासून ते प्रत्येक ठिकाणी भोले बाबा यांच्या विषयीची माहिती लोक जाणून घेण्याचा प्रयत्न करत आहेत. भोले बाबा नारायण साकार हरी या नावाने ओळखले जातात. भोले बाबा हे पश्चिम यूपीमध्ये अधिक लोकप्रिय आहे. हे त्यांच्या भक्तांना मोह माया सोडून भगवंत्याच्या भक्तीत लीन होण्याचे ज्ञान देत असतात शिवाय यांचा राजकारणाशीही संबंध आहे.

काही महत्त्वाच्या घटना...

उत्तर प्रदेशच्या हाथरस या घटनेच्या आधीही अनेक अशा घटना घडलेल्या आहेत त्यातील काही महत्त्वाच्या घटनांबद्दल जाणून घेऊयात. त्यातील एक घटना म्हणजे २७ ऑगस्ट २००३ मध्ये नाशिक येथे कुंभमेळ्यादरम्यान घडली होती. या घटनेत तब्बल ३९ जणांचा मृत्यू झाला होता. त्यानंतर ३ ऑगस्ट २००८ तर ३० सप्टेंबर २००८ तर २०१२ मध्ये अशा अनेक चेंगराचेंगरीनेमुळे अनेक व्यक्तीचा मृत्यू झाला होता.