सुप्रीम मस्कर, साम टिव्ही

खिशाला पेन नाही असा माणूस सापडणे कठीण. अनेकजण तर महागड्या किंवा वैशिष्ट्यपूर्ण पेनांचे शौकीन असतात. परीक्षेला जाणारा विद्यार्थी तर दोन पेन बरोबर ठेवतो. आतापर्यंत तुम्ही लिहिण्यासाठी पेन वापरला असेल पण तुम्ही कधी उत्तरं देणारा पेन पाहिलाय का ? हो तुम्ही अगदी बरोबर ऐकलंय, पुस्तक वाचून उत्तर देणारा पेन बाजारात आलाय.या स्मार्ट पेनची सध्या तरुणाईमध्ये जोरदार चर्चा सुरु आहे...ग्राहकांची या पेनला मोठी पसंती मिळतेय. या पेनचं वैशिष्ट्य काय आहे? पाहूयात

क्षणार्धात उत्तरं देणारा स्मार्ट पेन

स्मार्ट पेनचे नाव 'स्कॅनमार्कर पेन'

कोणताही प्रिंटेड मजकूर पेन स्कॅन करू शकतो

3000 अक्षरं प्रति मिनिटात स्कॅन करण्याची क्षमता

100 पेक्षा अधिक भाषांचे भाषांतर करण्यास सक्षम

ब्लूटूथ 4.0 सह वायरलेस किंवा USB-C द्वारे कनेक्ट

नोट्स, व्हॉइस मेमो रेकॉर्डिंग आणि MP3 स्वरूपात सेव्ह करणे शक्य

एकदा बॅटरी चार्जनंतर पेन 6 तास सुरु राहणार

स्मार्ट पेनची किंमत अंदाजे 26,400 रुपये

हा स्मार्ट रीडिंग पेन अनेकांसाठी उपयुक्त आहे. यामुळे विद्यार्थ्यांना, शिक्षकांना वाचन, नोट्स काढणे आणि भाषांतर करणे खूप सोपे होईल. तसेच माहिती डिजिटल स्वरूपात सहज मिळवता येईल. नवीन भाषा शिकणाऱ्यांसाठीही हा पेन फायदेशीर ठरेल. त्यामुळे तुमच्या खिशाला जर हा स्मार्ट पेन असेल तर तुमचा स्मार्टपणा आणखी वाढणार यात शंका नाही.