अक्षय गवळी,साम टिव्ही

Beautiful Peacock Dance: कधी मोर नाचताना पाहिलाय का? अगदी थुई थुई नाचणारा मोर पर्यटकांसाठी पर्वणीच ठरतोय. अकोल्याच डॉ. पंजाबराव देशमुख कृषी विद्यापीठ विविध पक्षांनी नटलेला परिसर. याच परिसरात मोरांच मोठं वास्तव्य आहे.

दिनांक २६ एप्रिल रोजी अकोल्यात तुरळक पाऊस झालाआणि याच हलक्या पावसाच्या सरीत मोर पिसारा फुलवत टवटवीत नचतांना दिसू लागलाय. हेच मन मोहून टाकणारं मोराचं नृत्य कॅमेरात टिपलेय साम'चे प्रेक्षक तसेच छायाचित्रकार चंद्रकांत पाटील यांनी मोर (Peacock) आणि लांडोर पिसारा फुलवत नाचतानाचे दृश्य खास तुम्हा प्रेक्षकांसाठी घेऊन आलोय.

दरम्यान, काल शनिवारी दिवसभर उन-सावलीचा खेळ सुरू होता. आकाशातही ढग दाटून आले होते. त्यात तूरळक पाऊस झालाय. या वातावरणाची चाहूल लागल्यामुळेच मोरांनी असा पिसारा फुलवत केलेले नृत्य पाहायला मिळालेय

सोशल मीडियावर हा व्हिडिओ (Video) वाऱ्याच्या वेगाने व्हायरल झालेला आहे आणि तो इन्स्टाग्रामवरील saamtvnews या अकाउंटवर अपलोड करण्यात आलेला आहे. आतापर्यंत फक्त इन्स्टाग्रावरचा हा व्हिडिओ पाहण्यासाठी मिळत आहे. अनोखा व्हिडिओ पाहिल्यानंतर नेटकरी वर्गातून भरभरुन प्रतिक्रिया येत आहे.