Vadodar Viral Video: वडोदरा शहरातील नरहरि ब्रिजजवळील एक अनोखी घटना एका रात्री नागरिकांना पाहायला मिळाली. सुमारे रात्री १० वाजता एका मोठ्या मगरीने शहरातील रस्त्यावर हजेरी लावली. या घटनेमुळे परिसरात काही काळ भीतीचे वातावरण निर्माण झाले. ही मगर पावसाळ्यामुळे नदीच्या प्रवाहासोबत भटकत रस्त्यापर्यंत आली होती अशी माहिती पुढे आली आहे.

नरहरि ब्रिजजवळील परिसरात नागरिकांना एका मोठ्या प्राण्याची हालचाल दिसल्यावर त्यांनी जवळ जाऊन पाहिले असता तो प्राणी एक मगर असल्याचं लक्षात आलं. साधारण आठ फूट लांबीची ही मगर रस्त्यावर निवांतपणे फिरत होती. नागरिकांनी घाबरून आपापल्या गाड्या थांबवल्या आणि सुरक्षित अंतरावरून त्याचे फोटो आणि व्हिडिओ(Video) काढण्यास सुरुवात केली. काही जणांनी ही माहिती तत्काळ वन विभागाला दिली.

या घटनेची माहिती मिळताच वन विभागाची टीम आणि प्राणीमित्र घटनास्थळी दाखल झाले. त्यांनी सुरक्षेची पूर्ण काळजी घेत, मगरीला जखमी न करता त्याचा सुरक्षितरीत्या रेस्क्यू केली. सुमारे ८ फूट लांबीची असलेली ही मगर पकडण्यात काही अडचणी आल्या, मात्र अनुभवी कर्मचाऱ्यांनी संयमाने ही कारवाई पार पाडली. यानंतर या मगरीला पुन्हा विश्वामित्री नदीत सोडण्यात आले.

वन विभाग आणि प्राणीमित्र संघटनांनी नागरिकांना आवाहन केले आहे की अशा घटनांमध्ये नागरिकांनी घाबरून जाऊ नये. जर कोठेही वन्य प्राणी, विशेषत म्हणजे मगर शहराच्या हद्दीत दिसली तर लगेचच वन विभागाला कळवावे. त्याचबरोबर त्याच्या खूप जवळ जाणे किंवा फोटो काढण्यासाठी रस्ता अडवून गर्दी करणे टाळावे. त्यामुळे प्राण्याला आणि माणसाला दोघांनाही धोका होऊ शकतो.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.