प्रत्येकाच्या जीवनात शिक्षकाला विशेष महत्व आहे. आयुष्याच्या जडणघडणीत आई वडीलानंतर शिक्षकांची भूमिका महत्वाची आहे. शिक्षकाने शिकवलेलं ज्ञान मुलं आत्मसात करत असतात. मुलांना समजावं यासाठी ते सोप्या मार्गाने सांगतात. असाच एका शिक्षिकेचा व्हिडीओ सध्या सोशल मीडियावर लक्ष वेधून घेत आहे.

ऑनलाइन शिक्षण हे सध्या बरेचजण घेत असतात. ऑनलाइन पद्धतीने शिकवून ते व्हिडीओ सोशल मीडियावर शेअर करतात. यामुळे अनेकांना सोप्या पद्धतीने ज्ञान घेता येते. यासाठी काही सोप्या ट्रीक देखील असतात. तुम्ही या व्हिडीओमध्ये पाहू शकता की, रंजना जाधव ही शिक्षिका मुलांना महाराष्ट्रातील ३६ जिल्ह्यांची सोप्या पद्धतीने ओळख करून देत आहे. ज्यामुळे ते लक्षात ठेवणं देखील सोप्प झालं आहे.

व्हायरल होत असलेला हा व्हिडीओ मराठी शाळेतील आहे. या व्हिडीओमध्ये शिक्षिकेने फळ्यावरती महाराष्ट्रातील ३६ जिल्ह्यांची नावे लिहली आहेत. मुलांना ३६ जिल्ह्यांची नावे लक्षात ठेवण्यासाठी शिक्षिकेने अनोखी शक्कल लढवली आहे. तिने 'अगं कमला उठ पाय धू,छान रस भजी चहा बनव' असं लिहलं आहे. या वाक्यावरून त्यांनी जिल्ह्यांची नावे लक्षात ठेवण्यासाठी सांगितले आहे.

शिक्षिकेने 'अगं कमला उठ पाय धू,छान रस भजी चहा बनव' असं लिहलं आहे. ज्यावरून तिने फळ्यावरती प्रत्येक नावानुसार जिल्ह्यांची नावे लिहली यावरून या एका वाक्यावरून मुलांना ३६ जिल्ह्यांची नावे पटकन आठवणार आहेत. सोशल मीडियावर या व्हिडीओला नेटकऱ्यांनी चांगलीच पसंती दिली आहे. लाखो लोकांपर्यंत हा व्हिडीओ पोहोचला आहे. अनेकांनी लाईक्स करत प्रतिक्रिया देखील दिल्या आहेत. शिक्षिकेचे विशेष कौतुक केले आहे.