लग्न समारंभ म्हटला की, सगळीकडे उत्साहाचं वातावरण असतं. मात्र आता सोशल मीडियावर एक व्हिडीओ व्हायरल होतोय. हा व्हिडीओ पाहून तुमच्याही मनाला चटका लागेल. या व्हिडीओमध्ये लग्नासंमारंभात नाचताचा एका व्यक्तीचा मृत्यू झाल्याचं पाहायला मिळतंय.
मध्य प्रदेशच्या ओझरामध्ये झालेल्या लग्नसोहळ्यात ही दुर्दैवी घटना घडलीये. मुख्य म्हणजे या घटनेचा व्हिडीओ सध्या सोशल मीडियावर व्हायरल झालाय. लग्नापूर्वी असलेल्या मेहंदी कार्यक्रमादरम्यान नाचत असताना एका व्यक्तीचा अचानक मृत्यू झाल्याने आनंदाच्या वातावरणाला गालबोट लागलंय.
मिळालेल्या माहितीनुसार, मृत व्यक्तीचं नाव घनश्याम यादव असं होतं. ही व्यक्ती त्याच्या भाच्याच्या लग्नासाठी कुटुंबासह ओझरामध्ये आली होती. मंगळवारी रात्री मेहंदीच्या कार्यक्रमात कुटुंब आणि पाहुणे डान्स करत होते. याच दरम्यान घनश्याम यादव त्यांच्या पत्नीसोबत नाचत असताना ते अचानक खाली कोसळले.
मेहंदी समारंभाला उपस्थित असलेल्यांनी सांगितलं की, सुरुवातीला सर्वांना हा एक डान्सचा भाग असल्याचं वाटलं. मात्र काही वेळानंतर ते हालचाल करत नसल्याचं लक्षात येताच गोंधळ उडाला. कुटुंबीयांनी तातडीने त्यांना जवळच्या रुग्णालयात दाखल केलं. मात्र डॉक्टरांनी प्राथमिक तपासणीनंतर हार्ट अटॅकमुळे त्यांचा मृत्यू झाल्याचं सांगितलं.
घटनेनंतर लग्नसोहळ्यातील आनंदाचं वातावरण पूर्णपणे बदलून गेलं. कुटुंबीय आणि उपस्थित पाहुण्यांवर दु:खाचा डोंगर कोसळला. या घटनेचा व्हिडीओ सोशल मीडियावर व्हायरल होताना दिसतोय. यावेळी अनेकांनी यावर कमेंट्स केल्या आहेत
या व्हिडीओवर अनेकांनी कमेंट्स करत ही घटना दुःखद असल्याचं म्हटलंय. एका युजरने यावर कमेंट्स करत म्हटलंय की, जास्त आवाजाचा परिणाम तुमच्या हृदयावर पडतो. अशावेळी हार्ट अटॅक येण्याचा धोका असतो. तर अजून एका युजरने म्हटलंय की, ही घटना कोरोना वॅक्सिन घेतल्यामुळे झाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.