Delivery boy: कल्याणमध्ये डिलिव्हरी बॉयचा प्रताप, कारवाई टाळण्यासाठी नंबर प्लेटवर लावले स्टिकर्स

अभिजीत देशमुख, साम प्रतिनिधी

डिलिव्हरी बॉयकडून लवकरात लवकर डिलिव्हरी करण्याच्या प्रयत्नात, अनेकदा वाहतूक नियमांचे सर्रास उल्लंघन होते. वाहतूक नियमांचे उल्लंघन होत असल्यामुळे कल्याण डोंबिवलीत डिलिव्हरी बॉयनं वेगळीच शक्कल लढवली आहे. कारवाई टाळण्यासाठी दुचाकीच्या नंबरप्लेटवर स्टिकर लावून नंबर लपवण्याचा प्रकार उघडकीस आलाय. निलेश जगदाळे या तरुणाने या प्रकरणाचा व्हिडिओ तयार केला असून, आरोपीविरोधात गुन्हा दाखल केला आहे.

डिलिव्हरी बॉयकडून लवकरात लवकर डिलिव्हरी करण्याच्या प्रयत्नात, अनेकदा वाहतूक नियमांचे उल्लंघन होत असते. नियमांचे उल्लंघन होत असल्यामुळे कल्याण डोंबिवलीतील डिलिव्हरी बॉयने वेगळीच शक्कल लढवली होती. नियम उल्लंघन झाल्यावर होणारी कारवाई टाळण्यासाठी दुचाकीच्या नंबरप्लेटवर स्टिकर लावून नंबर लपवण्याचा प्रकार उघडकीस आलाय.

निलेश जगदाळे या तरुणाने या प्रकरणाचा व्हिडिओ तयार करून पोलिसांत तक्रार दाखल केली. या एका व्हिडिओमुळे हा प्रकार उघडकीस आला आहे. मात्र, वाहतूक पोलीस आणि आरटीओ यांच्या नजरेतून ही वाहने कशी सुटतात, याबाबतही प्रश्न उपस्थित झाले आहेत. नंबर लपवलेल्या दुचाकीकडून एखादा अपघात किंवा अनुचित प्रकार घडल्यास कोण जबाबदार ठरणार? असा सवाल देखील उपस्थित होतोय.

अशा डिलिव्हरी बॉय आणि त्यांच्या कंपन्यांवर कठोर कारवाई करावी अशी मागणी निलेश जगदाळे यांनी केला आहे .तर याबाबत कल्याण वाहतूक विभागाचे वरिष्ठ पोलीस निरीक्षक राजेश शिरसाठ यांनी धक्कादायक बाब आहे , ही बाब उघडकिस आल्यानंतर कल्याण मधील डिलिव्हरी बॉयच्या गाड्या तपासण्याचे काम सुरू असल्याचे सांगितले.