कोल्हापूर जिल्ह्यातील हातकणंगले तालुक्यातील एका गावात भरवण्यात आलेल्या घोडागाडी स्पर्धे दरम्यान एक भयानक अपघात झालेला आहे. सध्या या अपघाताचा व्हिडिओ प्रत्येक सोशल मीडियावर व्हायरल होत आहे. स्पर्धेत धावणाऱ्या घोड्याचा अचानक पाय घसरल्याने अपघात झाला. या अपघाताची संपूर्ण दृश्ये मोबाईमध्ये कैद झाली आहेत.

हातकणंगे तालुक्यातील पुलाची शिरोली इथे शिवलिंग बिरदेव आणि पीर अहमदसो यात्रा निमित्ताने घोडागाडी आणि बैलगाडी (bullock cart)शर्यतीचे आयोजन केलं होतं. आज सकाळी सकाळी ११ च्या सुमारास शिरोलीच्या माळवाडी परिसरात डबल घोडागाडी स्पर्धेची शर्यत सुरू झाली.दरम्यानच या स्पर्धेत धावणाऱ्या घोड्याचा अचानक पाय घसरल्याने हा अपघात झाला.

सध्या सोशल मीडिया एक्स प्लॅटफॉर्मवरील @mrbeen979619 या अकाऊंटवर व्हिडिओ शेअर करण्यात आलेला आहे. व्हायरल होत असलेल्या व्हिडिओमध्ये तुम्ही पाहू शकता, रस्त्याच्या दोन्ही बाजूला लोकांची गर्दी दिसून येत आहे. जेव्हा शर्यत सुरु होताच घोडागाडीच्या पुढे वाहन पळताना दिसत आहे,त्यांच्या पाठून भरधाव वेगाने अनेक घोडागाडी (Horse)येते. मात्र काही क्षणातच त्यातील एक घोडागाडी वेगात येऊन रोडच्या दुसऱ्या बाजूला आदळते.

घोड्याचा अचानक पाय घसरल्याने अपघात झाला आहे. या अपघातानंतर घोडा गंभीर जखमी झाला आहे. तर चालकासह एक दुचाकी स्वार ही जखमी झाला आहे. एका बाजूला नियम आणि अटींचे पालन न करत शर्यती भरवल्या जात आहेत. खुल्या मैदानात ही शर्यत न घेता शिरोली ग्रामपंचायतच्या वतीने माळवाडी परिसरत डांबरी रस्त्यावर या स्पर्धा घेतल्या. त्यामुळे हा अपघात झाल्याची चर्चा सुरू आहे.