सध्या सोशल मीडियावर बालवाडीची एक फी पावती खूप व्हायरल होत आहे. ही पावती पाहून अनेकांच्या भुवया उंचावल्या आहेत. त्याचं कारण म्हणजे नर्सरीची फी. ही फी नर्सरीची की इंजिनिअरींगची, असा प्रश्नदेखील नेटकऱ्यांना पडलाय. एका वेळच्या पालक मिटिंगसाठी तब्बल ८४०० रुपयांची फी आकारण्यात आलीय. तर प्रवेश शुल्क ५५,६०० रुपये आकारण्यात आलाय. आता ही फी पाहून तुम्हाला वाटेल ही फी एखाद्या इंजिनिअरिंगची कॉलेजची असेन परंतु ही फी ज्युनिअर केजीची आहे. फी पाहून अनेकांच्या भुवया उंचावल्या आहेत.

"रु. ८,४०० पालक मिटिंगची फी! कोणताही पालक डॉक्टर तपासणीसाठी यातून २० टक्के पैसे देण्यास देखील तयार होणार नाही," डॉ जगदीश चतुर्वेदी, एक ईएनटी सर्जन, यांनी X वर लिहिले की, "मी आता शाळा उघडण्याचा विचार करत आहे." त्यांच्या या पोस्टला जवळपास ६७,००० व्ह्यूज मिळालेत. त्यांच्या या पोस्टवर प्रतिक्रिया देतांना ऑन्कोलॉजिस्ट डॉ. विनीत गोविंदा गुप्ता म्हणाले, लोक त्यांच्यावर कधीच खर्च केला नसेल तर तितका खर्च आपल्या मुलांवर करतात.

त्यामुळेच महागडे कोचिंग सेंटर, शाळा, महाविद्यालये वेड्यासारखे वाढत आहेत. त्यावर एक युझर जितेन एस (@a_jiten) म्हणाले, "रु. ५५००० प्रवेश शुल्क! ते काय आयव्ही लीग प्रीस्कूलमध्ये प्रवेश घेत आहेत का? "मी माझं इंजिनिअरींग यापेक्षा कमी पैशात पूर्ण केलं!" असं सुयोग व्यवहारे म्हणालेत. (@suyogvyawahare) तर सौमेंदू मुखर्जी (@SoumenduM) म्हणाले, "आमच्या आणि मुलांच्या काळात भाग्यवान होतो. २०२४-२५ या शैक्षणिक वर्षासाठी त्याला २ लाख रुपयांपेक्षा जास्त शिक्षण शुल्क भरावे लागल्याचं एक युझर म्हणाला.

गुरग्राममधील एक जण म्हणाले की, त्यांनी त्यांच्या तीन वर्षाच्या मुलाच्या एका महिन्याची फी ३०,००० रुपये भरले. त्यात शाळेकडून कोणतचं स्पष्टीकरण किंवा माहिती दिली पाहिजे. तर एकजण म्हणाला की, जर सीबीएसईने दरवर्षी १० टक्क्यांनी फी वाढवली तर त्यांना त्यांचा मुलगा १२ वीला जाईपर्यंत ९ लाख रुपये भरावे लागतील.