अभिजित देशमुख

Kalyan Viral Video:

कल्याण पश्चिमेकडे स्टेशनजवळ असलेल्या शहर वाहतूक नियंत्रण शाखेच्या कार्यालयात एक भला मोठा साप आढळलाय. या घटनेमुळे परिसरात एकच खळबळ उडाली. साप दिसताच तेथे पोलिसांसह बघ्यांची मोठी गर्दी जमली होती.

घटनेची माहिती मिळताच प्राणिमित्रांना मिळताच त्यांनी तात्काळ घटनास्थळी धाव घेतली आणि सापाला पकडले. हा साप धामण जातीचा बिनविषारी साप आहे. या सापाचा सुखरूप बचाव केल्यानंतर त्याला लवकरच वनविभागच्या मार्गदर्शनाखाली निसर्गमुक्त करण्यात येईल असे प्राणी मित्रांनी सांगितले.

सोशल मीडियावर आजवर सापाचे अनेक व्हिडीओ व्हायरल झालेत. साप दिसल्यावर अनेक व्यक्ती त्याच्यापासून स्वत:चा बचाव करण्यासाठी लांब पळतात किंवा त्यावर हल्ला करतात. काही दिवसांपूर्वी अशीच एक घटना मुंबईत घडली होती.

मुंबईतील एक सोसायटीमध्ये साप आढळला होता. साप दिसल्यावर एक महिलेने त्यावर हल्ला केला. महिलेने हल्ला केल्यावर सापाचा मृत्यू झाला. प्राणी मित्रांना या घटनेची माहिती मिळताच त्यांनी वन विभागाकडे तक्रार केली. त्यानंतर सोसायटीचे सीसीटीव्ही फुटेज चेक करण्यात आले होते. या प्रकरणी सदर महिलेवर गुन्हा दाखल करण्यात आला होता.