व्हायरल पत्रात संबंधित व्यक्तीच्या खात्यात 11 लाख जमा होणार होते, मात्र व्यवहार अयशस्वी झाल्यामुळे पेमेंट थांबवण्यात आल्याचे सांगितले जाते. त्यानंतर "परतावायोग्य कर" म्हणून 17,500 भरण्याची मागणी केली जाते. तसेच कर भरल्यानंतर अवघ्या 10 मिनिटांत 1,06,800 खात्यात जमा होतील, असे आमिषही दाखवले जाते. यासाठी एका बँक खात्याचा तपशील देत तातडीने पैसे भरण्यासाठी दबाव टाकला जातो. यापूर्वीही अशाच प्रकारे 1 लाख मिळवण्यासाठी 7,500 कर भरा असा दावा करणारे संदेश आणि ईमेलही व्हायरल झाले होते.
केंद्र सरकारच्या पीआयबी फॅक्ट चेकने या दाव्याची पडताळणी केली असता, हे पत्र पूर्णपणे बनावट असल्याचे स्पष्ट केले आहे. आरबीआय कोणत्याही व्यक्तीला पैसे मिळवून देण्यासाठी किंवा बक्षीस, लॉटरी, निधी अथवा इतर कोणत्याही कारणासाठी आधी कर किंवा शुल्क भरण्यास सांगत नाही. आरबीआयनेही वारंवार स्पष्ट केले आहे की, मध्यवर्ती बँक कोणत्याही व्यक्तीच्या नावाने बँक खाते चालवत नाही आणि फोन, एसएमएस, ईमेल किंवा पत्राद्वारे पैसे मागत नाही.
आरबीआयच्या नावाने पैसे जमा करण्यास सांगणाऱ्या कोणत्याही संदेशावर विश्वास ठेवू नका.
अनोळखी व्यक्ती किंवा खात्यात कोणतेही पैसे ट्रान्सफर करू नका.
कोणत्याही लिंकवर क्लिक करण्यापूर्वी तिची सत्यता तपासा.
आरबीआयशी संबंधित माहिती केवळ अधिकृत वेबसाइटवरूनच मिळवा.
फसवणुकीचा संशय आल्यास तात्काळ सायबर क्राईम पोर्टल किंवा जवळच्या पोलीस ठाण्यात तक्रार करा.
आरबीआयच्या नावाने आधी कर भरा आणि नंतर लाखो रुपये मिळवा असा दावा करणारे पत्र, ईमेल किंवा मेसेज पूर्णपणे फेक आहेत.अशा आमिषांना बळी पडू नका आणि कोणतीही आर्थिक व्यवहार करण्यापूर्वी माहितीची खातरजमा करा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.