मराठा आरक्षणासाठी मनोज जरांगे मुंबईच्या आझाद मैदानात आले आहेत. मराठा आंदोलनाचा आज दुसरा दिवस आहे. हजारो कार्यकर्ते मनोज जरांगेसह मुंबईत आले आहेत. सोशल मीडियावर मराठा आंदोलनाचे अनेक व्हिडीओ समोर येत आहेत. मुंबईत आंदोलकांच्या खाण्यापिण्याचा प्रश्न उपस्थित झाला आहे. याचदरम्यानचा एक व्हिडीओ सध्या सोशल मीडियावर लक्ष वेधून घेत आहे.

काल सकाळी मनोज जरांगे यांच्यासह असंख्य कार्यकर्ते मराठा आरक्षणासाठी मुंबईत आले. मुंबईतील आझाद मैदानात मनोज जरांगे यांचे आंदोलन सुरू आहे. मात्र मुंबईत आल्यानंतर आंदोलकांची मोठी गैरसोय झाली असल्याची तक्रार आंदोलक करत आहे. अनेक शौचालये, हॉटेल्स बंद असल्याची तक्रार आंदोलक करत आहेत.

यामुळे सीएसएमटी रेल्वेस्थानकात आंदोलकर्त्यांनी खाली बसत अखेर आराम केला आहे. तेथेच त्यांनी जेवण देखील केलं आहे. याचदरम्यान कामाला जाणाऱ्या एका तरूणाने स्वत:चा डब्बा या आंदोलकांना दिला आहे ज्याचा व्हिडीओ सध्या सोशल मीडियावर तुफान व्हायरल होत आहे.

सोशल मिडिया इनस्टाग्रामवर @shubham_jarange_patil23 या अकाउंटवर हा व्हिडीओ शेअर केला आहे. हा व्हिडीओ नेटकऱ्यांनी कौतुक केले आहे. 'मुंबईकर बांधव कामावर जातांना स्वतःचा डब्बा बांधवाना देऊन गेलाय.'धन्यवाद मुंबईकर' असं कॅप्शन व्हिडीओला दिलं आहे. नेटकऱ्यांनी देखील या व्हिडीओ लाईक्स आणि प्रतिक्रिया दिल्या आहेत.