आजकाल सोशल मीडियावर लग्नसमारंभातील अनेक व्हिडीओ व्हायरल होत असतात. सध्या असाच लग्नातील एक भन्नाट व्हिडीओ व्हायरल होतोय. लग्नांमध्ये नवऱ्याचे शूज लपवण्याची एक गमतीशीर परंपरा असते. यामध्ये रस्मीत वधूच्या बहिणी किंवा मैत्रिणी वराचे बूट चोरून त्या पैसे मागतात.

सध्या सोशल मीडियावर अशाच एका नवऱ्याचे शूज लपवण्याचा व्हिडीओ व्हायरल होतोय. हा व्हिडीओ पाहून युजर्सना हसू आवरत नाहीये. या व्हिडीओमध्ये नवरीच्या बहिणीने वराचे बूट लपवण्यासाठी लढवलेली शक्कल जबरदस्त असल्याचं लोकांचं म्हणणं आहे.

सोशल मीडियावर व्हायरल झाला व्हिडीओ

व्हायरल व्हिडीओमध्ये वर मंडपात बसलेला दिसतोय. यावेळी तो एका लिफाफ्यात पैसे ठेवून बायकोच्या बहिणींना देतोय. त्याचे शूज आधीच बहिणींनी लपवलेले असतात. पाहुण्यांना बहिणीने मंडपाच्या जवळच शूज लपवल्याचा अंदाज असतो. मात्र खरा ट्विस्ट इथेच येतो. नवऱ्याच्या बहिणीने नवऱ्याचे बूट दुसरीडे कुठेही लपवले नसतात. तर ते तिने स्वतःच्या पायात बांधून ठेवलेले असतात.

तिने लढवलेल्या या शक्कलमुळे शूज शोधणाऱ्यांना कितीही प्रयत्न करूनही ते सापडत नाहीत. शेवटी पैसे मिळाल्यानंतर नवरीची बहिण हसत बूट परत करते आणि पुढील विधी सुरू होतात.

हा मजेशीर व्हिडीओ एक्स या सोशल मीडिया प्लॅटफॉर्मवर @HasnaZaruriHai या अकाउंटवरून शेअर करण्यात आलाय. सुमारे 19 सेकंदांच्या या व्हिडीओला मोठ्या प्रमाणात व्ह्यूज मिळालेत. यावर लोकांनी विविध कमेंट्स करून मेव्हणीचं कौतुक केलंय.

युझर्सने पाडला कमेंट्सचा पाऊस

सोशल मीडियावर या व्हिडीओवर विविध प्रतिक्रिया उमटताना दिसतायत. एका युजरने लिहिलंय की, नवरीची बहिण खूपच हुशार आहे. तर अजून एका व्यक्तीने कमेंट केलीये की, इतकं खतरनाक टॅलेंट शोधूनही सापडणार नाही.