व्हायरल सत्य-असत्यमध्ये आपलं स्वागत, आम्ही व्हायरल होत असलेल्या व्हिडिओची पडताळणी करतो आणि त्याची सत्यता समोर आणतो. अभिनेता शेखर सुमनने भाजपात प्रवेश केल्याचा व्हिडिओ व्हायरल होतोय. सरकारवर जोरदार टीका करणाऱ्या शेखर सुमनने अचानक भाजपमध्ये कसा काय प्रवेश केला? हाच अनेकांना प्रश्न पडलाय.त्यामुळे आम्ही या व्हिडिओची पडताळणी केली. त्यावेळी काय सत्य समोर आलं पाहुयात.

या व्हिडिओमध्ये शेखर सुमन विनोद तावडेंच्या उपस्थितीत प्रवेश करत असल्याचं दिसतंय. या व्हिडिओमध्ये ते भाजप कार्यालयातून पत्रकार परिषद घेताना दिसत आहेत. व्हिडिओच्या मजकुरात असा दावा केला जात आहे की, शेखर सुमन भाजपमध्ये सामील झाले आहेत. व्हिडिओमध्ये, शेखर सुमन अमित शाह यांच्यासह भाजपच्या अनेक वरिष्ठ नेत्यांचे आभार मानत आहेत.

आपल्या शैलीतून ते केंद्र सरकारवर टीका करतात. आणि अचानक कसा काय भाजपात प्रवेश केला.असे प्रश्न सोशल मीडियावर विचारले जातायत.त्यामुळे आम्ही हा व्हिडिओ कधीचा आहे? खरंच शेखर सुमनने भाजपात प्रवेश केलाय का? याची आम्ही पडताळणी केली. व्हिडिओ नीट तपासून पाहिला. त्यावेळी आमच्या पडताळणीत काय सत्य समोर आलं पाहुयात.

व्हायरल सत्य/ साम इन्व्हिस्टिगेशन

शेखर सुमनचा भाजप प्रवेशाचा व्हिडिओ जुना

दोन वर्षापूर्वीचा व्हिडिओ व्हायरल करण्यात आला

शेखर सुमनने भाजपमध्ये पुन्हा प्रवेश केलेला नाही

भाजपवर टीका करत असल्याने शेखर सुमन चर्चेत

.हा व्हिडिओ 2 वर्षे जुना असून, 7 मे 2024 रोजी शेखरने भाजपात प्रवेश केला होता. त्यावेळी भाजपात प्रवेश केल्यानंतर 24 तासातच पक्ष सोडल्याचं शेखरने त्याच्याच कार्यक्रमात सांगितलं होतं.मात्र, आता पुन्हा शेखर सुमनने भाजपात प्रवेश केल्याचा दावा आमच्या पडताळणीत असत्य ठरला.