गेल्या काही वर्षापासून देशात हृदयविकाराच्या झटक्याने अनेकाचे दुर्देवी मृत्यू झाल्याच्या घटना समोर आल्या आहेत. यासंबंधित अनेक मनात धडकी भरवणारे व्हिडिओ सुद्धा सोशल मीडियावर व्हायरल झाले आहेत. या व्हिडिओत कुणाचा लग्नाच्या वरातीत नाचताना तर कोणाचा बाईक चालवताना हार्ट अटॅक आल्याच्या घटना घडल्या आहेत.

सध्या अशीच एक घटना उत्तर प्रदेश जिल्ह्यातील महोबातून समोर आली आहे. येथील एका बँकेत काम करत असलेल्या बँक कर्मचाऱ्याला हृदयविकाराचा तीव्र झटका आला. यात या कर्मचाऱ्याचा काम करत असताना खुर्चीवरच दुर्देवी मृत्यू झाला आहे. प्रत्येकाच्या काळजाचा ठोका चुकवणारी ही थरारक घटना बँकेतील सीसीटीव्ही कॅमेऱ्यात कैद झाली आहे.

उत्तर प्रदेशमधील महोबा भागात असलेल्या एचडीएफसी बँकेत १९ जून रोजी ही घटना घडली. कुमार शिंदे (वय ३० वर्षे) असं मृत्यू झालेल्या व्यक्तीचे नाव असून ते महोबा बँकेत कृषी(agriculture)महाव्यवस्थापक होते. या घटनेनं परिसरातून हळहळ व्यक्त केली जात आहे.

सध्या सोशल मीडिया प्लॅटफॉर्म एक्सवरील @@iamsandeeprwt या अकाऊंटवर व्हिडिओ पोस्ट करण्यात आलेला आहे. व्हायरल होत असलेल्या सीसीटीव्ही(CCTV) फुटेज दिसते की, सर्व कर्मचारी काम करताना दिसून येत आहे.. कुमार शिंदे हेही काम करताना त्यामध्ये दिसून येत आहे. ते एका खुर्चीवर बसलेले दिसून येत आहे. मात्र काही वेळात त्यांच्या छातीत दुखू लागते. काही क्षणात त्यांचा जागीच मृत्यू होतो.