Pune Viral Video: पावसाला सुरूवात झाली की, गावाकडे शेतीच्या कामांना सुरूवात होते. भाताची लावणी, पेरणी, नागंरणी करायला शेतकरी सुरूवात करतात. आजकाल प्रगत तंत्रज्ञानाच्या काळात शेतकरी नागंरणीसाठी ट्रॅक्टरचा वापर करतात. मात्र नुकताच शेतीत नागंरणी करताना ट्रॅक्टर चिखलात अडकला पण त्यानंतर जे घडतं ते पाहून तुम्हीही नक्कीच डोक्याला हात माराल. नक्की काय घडते ते एकदा व्हायरल होत असलेल्या या व्हिडिओत पाहा.

राजगड तालुक्यात सध्या पावसाने चांगलाच जोर धरला आहे. यामुळे शेतीच्या कामांना सुरूवात झालेली पाहायला मिळतीये. विविध ठिकाणी शेतीत चिखल देखील झालं आहे. याचदरम्यान राजगड तालुक्यातील करंजावणे गावातील एका शेतकऱ्यांच्या शेतामध्ये लावणी करत असताना ट्रॅक्टर चिखलात अडकला आहे. या ट्रॅक्टरला काढण्यासाठी गेलेले दहा ट्रॅक्टर देखील चिखलात अडकल्याची धक्कादायक घटना घडली आहे.

या व्हिडीओमध्ये(VIDEO) तुम्ही पाहू शकता की, रावसाहेब कांबळे यांच्या शेतामध्ये भात लावणी करण्यासाठी नागंरणी सुरू असताना एक ट्रॅक्टर चिखलात अडकला यानंतर या ट्रॅक्टरला काढण्यासाठी आलेला दुसरा देखील ट्रॅक्टरला अडकलेला दिसतो आहे असचं एकामागोमाग या ट्रॅक्टरना काढण्यासाठी एकूण १० टॅक्टर शेतामध्ये चिखलात अडकलेले दिसत आहे. यामुळे अनेक तास तास गेल्यामुळे भात लावणीचं काम देखील थांबल आहे. मात्र त्यानंतर ५ तास प्रयत्न केल्यानंतर भात शेतीच्या बाहेर एकाचं वेळेस अजून चार ट्रॅक्टर उभे करुन त्यांना साँल जोडून एक एक टँक्टर बाहेर काढण्यात आले आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.