बातमी आहे वारकऱ्यांच्या आदर्श कृतीची.आज पुण्यात संत तुकाराम महाराजांची पालखी संचेती हॉस्पिटल जवळ आलेली असतानाच त्या ठिकाणी एक अँब्युलन्स जात होती. यावेळी वारकऱ्यांच्या दिंडीत असलेल्या वारकऱ्यांनी अँब्युलन्सला जागा करून दिली. जनसेवा हीच ईश्वर सेवा असल्याचं जणू काही हेच मूर्तिमंत उदाहरण असावं अशी ही घटना. दोन्ही पालख्यांच्या आगमनाने पुण्यात भाविकांची तुफान गर्दी आहे. असं असतानादेखील अँब्युलन्सला कुठेही अडथळा वारकऱ्यांनी होऊ दिला नाही.